Jeremias 6:28 - Biblia Mixe de Quetzaltepec

²⁸ Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Biblia Dc en Mixe de Quetzaltepec

²⁸ Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Jeremias 6:28 ပူးပေါင်းရင်းမြစ်များ

Jeremias 9:4

Yë'ëpaat ka'ap yajtukjotkujk'aty ja jëëky mëku'uk ets ja mëkä'äx, jä'ä ko aak win'ë'ëntëp.

Jeremias 5:23

Yajxon yë mjot mwinma'anyëty jyuun'ajnëtë ets je'eyë mkäjpxykyumëtoownaxtë: tëëjës xy'ëxmatstë ets tu'ukyë të mnëjkxnëtë.

Jeremias 18:18

Ënät ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Tios tëytyuny ets tpaye'ey ko të yaj'o'kxëty ja tyuunpëtëjk.

Apocalipsis 11:18

Tëë ja naaxwiinyëtë ja'ay jyoot'anpëktë ets tëë ja tiempo tpaaty ets xtyiytyunëty ja ja'ay ets xypyaye'eyëty ja pyoky ja o'kpë; ets ja mkäjpxynyajxpëtëjk xymyo'ojëty ja nyäkyumayë, ja wa'atspë ja mkajpn ets mëti'ipë myëjja'awëtëpën ja mxëëw, mëj mutskpë; jëtu'un xyajkutëkoyëty mëti'ipë yajkutëkooytyëpën ja naaxwiinyëtë.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 6:30

Jä'ä yajtijanëtë poop pujxn mëti'ipë tëë mya'ta'ayën, jä'ä ko mijts Wintsën tëë xy'ixpëky xy'ixtuny.

Isaías 31:6

U'unk maayëty, miitsëty Israel ja'ayëty, jootwinpitë jatëkok ma Tiosën mëti'ipë të xyajjoot'anpëktën.

Salmos 50:20

Tëkatsyëty yë mjëëky mmëku'uk xynyi'ëy xynyikäpxy, ets myajjotma'typ yë mmëkä'äx ko tsaatsyëty ma'atëty xymyëkäjpxy.

Levitico 19:16

Këtii je'eyë yë pi'tskä'pxy xymyëjëtitëty ma mjëëky mëku'ukën. Këtii xymyëjwa'kpätëty yë ja'ay mëti'ipë yajja'ay'o'kpën. Ëjts jëtu'un Wintsën.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënäty ntsip n'äkë nyajnaxy ma mijtsën.

Levitico 14:43

E ko ja pa'am jam jatëkok kyëxë'ëkëty ma ja tëjkpotsyën, oy ënäty tëë ja tsaa jyayajnëtajta'ay ets naax näjyëtu'un ma jam ja ëxëëkpë të y'ityën ets tëë jyayaj'apojtsëtyä'äy mëët yë wiinkpë tsaa ets mo'onts.

Salmos 14:1

Ja'ay mëti'ipë winma'anytyukën ënaanp ko ka'ap ma Tios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Tios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Ezequiel 2:7

Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.