Jeremias 6:21 - Biblia Mixe de Quetzaltepec

²¹ Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënäty yajnimintë anëkëjxmtsow.

Biblia Dc en Mixe de Quetzaltepec

²¹ Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënety yajnimintë anëkëjxmtsow.

Jeremias 6:21 ပူးပေါင်းရင်းမြစ်များ

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Ezequiel 3:20

N'ëkpëjktakmëty wiinkpë ijxpäjtën; tu'uk yë ja'ay oypyë jyuuky'ätyën tyajtëkatsëty yë jyuukyajtën ets jä'ä tuunëty ja ëxëëkpë ëkë tëkatsypë ets jyuukyajtën tyajtsiptëkëty; pën mijts ka'ap wi'ix xy'ënëëmë, ookëp yë'ë. Ëjts ka'apës nja'amyätsa'any oy ënäty tii oy të tjatuny mëj këjää, yë'ë nëjkxëp ja pyoky tku'ookë; je'eyëp ko mijts nëjkx nyajtëy pën tëë ënäty xyjya'ënëëmë ets ka'ap tii tëkatsy tunëty.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Tios ja y'aaw y'ayuk; ets jëtu'un ëxëëk jyatë kyëpätë.

Romanos 11:9

Näyjyëtu'un ja David y'ënäny: Wä'än ja kyä'äyën y'ukënëty yë'ë tmëpokytyëkëtë, ets nyäyajtëkoyëtëty ets tkumëtowtëty,

Romanos 9:33

Jëtu'un ijxtëm ja Tios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënäty juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

2 Crónicas 36:17

Ënät ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

Levitico 26:37

Kë'ëm nëjkx muum nyäwyinkuja'atëtë, tä jeexyë mkä'äktën tsipjotm, oy pën mkapapo'ojëtëty. Ma miitsëtyën ni pën ja myëtsip tkawinkuwa'akëja'anëty.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Isaías 8:15

May nëjkx jam kyunäpëtë ets y'ooktëty, may nëjkx jam wyë'ëmtë ets ka'ap nijawëtëty tii tyuunta'aktëpën.