Jeremias 6:11 - Biblia Mixe de Quetzaltepec

¹¹ Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Biblia Dc en Mixe de Quetzaltepec

¹¹ Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Jeremias 6:11 ပူးပေါင်းရင်းမြစ်များ

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.

Miqueas 3:8

E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Apocalipsis 16:1

Ets nmëtooyës ja ayuk mëk ma ja Tios ja tyëjkën ets yaj'ënëëmëtë ja niwëxtujkpë ja tsajpjotmëtë kukäjpxy: Nëjkxtë naaxwiiny ets xyajtukwa'atstëty yë a'ukën mëti'ipë myëët'ajtypyën yë ëyo'on mëët ja Tios ja tsyip y'äkë.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Tios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

Hechos 17:16

Jam Atenas, tam ënäty ja Pablo tjëjp'ixy ja Timoteo ets ja Silas. Ënät t'ijxpaty ko ujts ënäty ja kajpn yajpaaty mëët ja awinax.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Lucas 17:34

Jëtu'un miits nëëmëtë, jä'ä tsu'um, ma ënäty nimäjtsk ja ja'ay mya'atën tu'uk nëjkx yajmënëjkxy ets tu'uk nëjkxy wyi'imy.

Ezequiel 3:14

Ënätës ja Tios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Tios mëk xymyajts'ity nkë'ëkëjxyës.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Isaías 40:30

Yë'ëpaat yë yujkyeeky ëna'k y'ënu'kxë, yë'ëpaat mëti'ipë oy mëkën jëtu'unyë jyënuunkëtä'äky,

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Jeremias 15:17

Ëjts ka'apës nëkoo ja'ay të nmëjwa'kpety mëti'ipë yi'iyë äjtsk xoontak myëmaay myëët'ajtëpën; koos mijts të xyjyä'äniwa'any ëjts ëpëkyës të nyäyaj'ityë, jä'ä ko yë'ëjës ntsë'këp koos xytyukjoot'anpëkëty.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.

Ezequiel 3:3

Etsës xy'ënëmaay: Kujë'ënax ënät tyam mëti'ipë yam nmoopyën ets mjot mëët xyaj'utsëty. Ënätës ojts nkujë'ënaxy ets janty pa'akëm xy'atëjkëyës.

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Jeremias 5:9

¿Ets ënät pën y'ënaanpëty ko ka'apës ntëytyuna'anyë? ¿Ets ënät n'ënaanpëtyës ko ka'ap ntukëpätëtyës ja nyëë pyokyë?

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.