Jeremias 52:7 - Biblia Mixe de Quetzaltepec

⁷ Ënät ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënäty jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Biblia Dc en Mixe de Quetzaltepec

⁷ Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Jeremias 52:7 ပူးပေါင်းရင်းမြစ်များ

Jeremias 51:32

Tëë ja mëtsip tuktëjkëtya'atë ja mëjnëë aaw, tëë tjëënmooytya'atë maajaty ja këwent'ajtpë të yajpaatën ets tsë'këtëp ja tsiptuunpëtëjkëty.

2 Reyes 25:4

Ënät jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënäty ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Jeremias 49:26

Jä'ä xëëw, kujy jëpipy ja y'ëna'ktëjk jyata'antë në'ëjoty tu'ujoty, nitëkokyë ja tsyiptuunpëtëjk y'o'kta'aja'antë. Ëjts Wintsën mëti'ipë maaytyääyëpën winë, ëjts ënaanp.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënäty ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Levitico 26:36

E pën ënäty juuky jaakwë'ëmtëp ma ja myëtsip ja nyaaxëtyën, tsë'ëkë mëët nëjkx jyaak juuky'atë, je'eyë muum yë ujts'aay nyaka'ajëty, timnakä'äktëp. Jëtu'un kyä'äktëty pyutëty, tä jeexyë pën tyukpajëtitëtën yë yenypyujxn ets kë'ëm muum y'ooktëty tyëkoytyëty oy ënäty pën wi'ix kyatunëtë.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 39:2

Ma tyaxtujk anyën ja taxk po'opë, ma mëmajktu'uk jëmëjtpë tyu'uye'eyën, ma ënäty yajkutukyën yë Sedequías, jää ojts tyëkë ja mëtsip jam ma Jerusalén kajpnën,

Ezequiel 12:12

Ja ja'ay mëti'ipë yaj'ënä'ämtëpën kopkpëky ko nëjkx nyätyukejkyjyëpipëty yë tyim kyi'iy ets koots tsu'um nëjkx jam nyäxy potsyjutjoty ma ënäty jam ja ja'ay të t'atajtu'utën. Winkupä'änë nëjkx tsyoony këtiipë pën y'ixëtëty ets näjyëtu'un yë'ë këtiipë ja naax kajpn t'ixëty.

Ezequiel 33:21

Ma myëkoxk anyën ja mëmajkpo'opë, ma majkmäjtsk jëmëjt kyä'pxyën ma ënäty tsumy matsy të nyajmënëjkxëmën wiink naax wiink kajpn, jääjës tu'uk yë ja'ay xynyimiiny jam tsyoony Jerusalén ets xytyukmëmëtyäkyës ko tëë ënäty ja mëtsip tnitëkë ja naax kajpn.

Amós 4:3

Waatswitsy nyaxa'antë jap potsyjyutjoty ets nyëjkxa'antë ye'epy, jam yamënëjkxa'antë ma Hermón kopkën. Yë Wintsën jëtu'un ënaanp.

Jeremias 6:5

Nikë oy koots nitëjkëmëty ets njijtä'ämyëty yë pyotsyëty mëti'ipë nyaax kyajpn nyapots'ajtypyën.

Ezequiel 12:4

Xëëny ets ijxnë kä'äxnë jap xyajpëtsëmëty winë ma mjëën mtëjkën jëtu'un tä ja'ay tsumy matsy yajmënëjkxa'anyën wiink naax wiink kajpn; näjyëtu'un ënät jënäkyxyëëw mtsoonëty tä yajmënëjkxyën yë ja'ay tsumy matsy wiink naax wiink kajpn.