Jeremias 52:30 - Biblia Mixe de Quetzaltepec

³⁰ ma ënäty i'px tëkëëk jëmëjt y'apetyën ma yajkutukyën yë Nabucodonosor, yë Nebuzaradán jä'ä ojts tyajnëjkxy tsumy matsy yë Judá ja'ay: wëxtujk mëko'px ja wëxtyikxy mëkoxk. Jä'ä nyiwinë'ajtë mëti'ipë ojts yajmënëjkxtën tsumy matsy: taxk mil ja tëtujk mëko'px.

Biblia Dc en Mixe de Quetzaltepec

³⁰ ma ënety i'px tëkëëk jëmëjt y'apetyën ma yajkutukyën yë Nabucodonosor, yë Nebuzaradán jä'ä ojts tyajnëjkxy tsumy matsy yë Judá ja'ay: wëxtujk mëko'px ja wëxtyikxy mëkoxk. Jä'ä nyiwinë'ajtë mëti'ipë ojts yajmënëjkxtën tsumy matsy: taxk mil ja tëtujk mëko'px.

Jeremias 52:30 ပူးပေါင်းရင်းမြစ်များ

Jeremias 52:15

Ets ja Nebuzaradán tyajnëjkxtaay ja ja'ay tsumy matsy jam Babilonyë, mëti'ipë ënäty jam kajpnjotm yajpatëpën ets mëti'ipë ënäty të tmëjwa'kpätën ja Babilonyë yajkutujkpë ets mëti'ipë ënäty oyjyäty winë yaj'o'oyëtëpën.

Jeremias 6:9

Yë Wintsën mëti'ipë maaytyääyëpën winë, jëtu'un y'ënä'äny: Yaj'ixta'ajantëp ja Israel ja'ayëty mëti'ipë ënäty jaakwë'ëmtëpën juuky, jëtu'un yaj'ixta'aja'antë tä ja'ay t'ixta'ayën yë tsatsymtsya'am ko muum wyi'imy, nitu'uk tka'ëxmatsy kyamjoty.

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënäty të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

Jeremias 52:29

Ma ënäty mëmajkmokx tëkëëk jëmëjt y'apetyën ma yajkutukyën, jä'ä ojts tyajnëjkxy ja'ay tsumy matsy: tuktujk mëko'px ja i'px majkmäjtsk, Jerusalén ja'ayëty;