Jeremias 52:18 - Biblia Mixe de Quetzaltepec

¹⁸ Ojts näjyëtu'un tmënëjkxtë mëti'ipë ja kuyjaam yajtukjä'pën, ma ja kuyjaam nyipetyën, ja jëënpajk jä'pn, ja ka'pn mëti'ipë jëën yajtuka'apyu'kxpën, ja mëj a'ukën, ja mëj jä'pn ets tëkokyë ja apëjk atu'unën, mëti'ipë ënäty jap tsajptëkoty tuunpën ko ja wintsë'kën yajyäky.

Biblia Dc en Mixe de Quetzaltepec

¹⁸ Ojts näjyëtu'un tmënëjkxtë mëti'ipë ja kuyjaam yajtukjä'pën, ma ja kuyjaam nyipetyën, ja jëënpajk jä'pn, ja ka'pn mëti'ipë jëën yajtuka'apyu'kxpën, ja mëj a'ukën, ja mëj jä'pn ets tëkokyë ja apëjk atu'unën, mëti'ipë ënety jap tsajptëkoty tuunpën ko ja wintsë'kën yajyäky.

Jeremias 52:18 ပူးပေါင်းရင်းမြစ်များ

1 Reyes 7:40

Hiram ojts tyajkojy tu'ts, jä'pn, a'ukën ets ja wiinkëtypë ja apëjk atu'unën mëti'ipë jap tsajptëkoty tunaanpën mëti'ipë ja Salomón ojts tyuk'ëne'emyën jëtu'un ojts tyaj'apaatë ja tuunk,

1 Reyes 7:45

Ëpëky ja tu'ts ja jä'pn ets ja tsim, ja texy ets ja apëjk atu'unën. Tëkokyë ya'atë mëti'ipë Hiram yajkojën mëti'ipë ënäty ja Salomón të tyuk'ëne'emyën aakpujxn ojts tuk'oytyuunta'ay.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënäty ja pu'ts pujxn mëët y'oytyunyëtyën. Näy pu'ts pujxn ënäty mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

1 Crónicas 28:17

Ojts näjyëtu'un tmo'oy ja pu'ts pujxn mëti'ipë nëjkx tuk'oytyunyën ja pujxnmä'tn, a'ukën, tu'ts, ja a'ukën mëti'ipë jam nyimajtstnën, aak kijpxy ojts nyajxta'ay jëtu'un tä ënäty myëyätyën.

2 Crónicas 4:11

Hiram yë'ë ojts tyajkojy ja tu'ts, ja jä'pn ets ja a'ukën mëjjatyëtypë; jëtu'un tyaj'apatëy ja tyuunk jap ma ja Wintsën ja tsyajptëjk kyojyën, mëti'ipë ënäty mëët ja Salomón të tkäjpxy'ätyën.

2 Crónicas 4:16

ëpëky ja tu'ts, ja jä'pn ets ja jëënpajk wo'kn. Tu'kë'ëyë mëti'ipë yë Hiram ojts tyajkojyën, mëti'ipë ja Salomón mëët tkäjpxy'äjtyën, aakyë'ë tyukyaj'o'oyëy yë tsuxkpujxn, mëti'ipë me'eyëtyën.

2 Crónicas 4:22

tääts ja mëti'ipë ja jëën yajtukpäänpi'tspën, ja mëj'a'ukën, ja jä'pn ets ja jëëntsijtk, aak pu'ts pujxnëpë mëët y'oytyunyëtyën. Näy pu'ts pujxn ënäty mëët y'oytyunyëty ja tëjk'aaw ja nyi'akaj, mëti'ipë tëkotytsyowën, mëti'ipë y'akaj'ajtypyën ja tëkot mëti'ipë ëmaayën ets ja tyëjk'akaj ja mëjtsajptëjk.

2 Crónicas 4:8

Ojts tyajkojy majk yë kaaypyäjn ets jap tsajptëkoty tpëjktäky; mëkoxk a'oytsyow ets mëkoxk anajnytsyow. Yaj'o'oyëy majk mëj'a'ukën mëti'ipë aak pu'ts pujxn mëët y'oytyunyëtyën.

Esdras 1:10

Ko yajmëtyoowtaay, jä'ä wyinë'ajty ja pu'ts pujxn ets ja poop pujxn mëkoxk mil ja taxk mëko'px.

Éxodo 25:29

Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën.

Éxodo 25:38

ets ja mëti'ipë yajtijtëpën jëënmä'tn ets ja pujxn aye'epy, aak pu'ts pujxn mëët xy'oytyunëty.

Éxodo 27:3

Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn.

Éxodo 37:16

Ojts näjyëtu'un yë apëjk atu'unën tyaj'oyë, mëti'ipë ënäty jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Éxodo 37:23

Pu'tspujxn ojts tuk'oytyuny ja nyikutë'kxn, aakjëtu'un wëxtujkëty, näjyëtu'un ja mëti'ipë yajtijtëpën pujxnmä'tn ets ayä'äptexy.

Éxodo 38:3

Tu'kë'ëyë ja apëjk atu'unën, mëti'ipë ënäty tunaanpën ma ja wintsë'këntyaknën aakmëët yë tsuxkpujxn t'oytyuuntaay, tä ja pujx'akën ma ja jaam yaj'ako'owëtyën ets ja nyijä'pn, ja a'ukën mëjjatyëtypë ets ja wo'kn mëti'ipë ja jëënpajk mëët yajka'apë'ëkëtyën.

Números 4:14

E jam nëjkx tëkokyë tpëjktakta'atë jënu'un winë tyunyën ko tii wintsë'kën yajyäky, tä yë jëënpajk ka'pnën, mä'ätë'knën, jä'pnën, mëj a'ukënën; tëkokyë jënu'un winë tyuunta'ayën ma wintsë'këntyaknën. Tëkokyë ya'atë yë'ë nëjkx tukwinpitë yë po'o'ak ets tpëjktakëtëty ja nyikepy mëti'ipë muum tyukmënëjkxtëpën.

Números 4:7

E ja kaaypyäjn ma jam winë yajkëxpëkyën, yë'ë nëjkx mëët yajtukwinyä'äpë tu'uk yë ukywyit ets nëkëjxy nëjkx tkëxpëjkta'atë ja texyëty, a'ukënëty, mëj jä'pnëty mutsk jä'pnëty, ja uukytsyu'tsëty ma ja tsatym nyëë yaj'apëkën, mëti'ipë tëë nyimaanaxyën ets näjyëtu'un ja tsajpkääky mëti'ipë yajyajkpën winjëpom.