Jeremias 52:15 - Biblia Mixe de Quetzaltepec

¹⁵ Ets ja Nebuzaradán tyajnëjkxtaay ja ja'ay tsumy matsy jam Babilonyë, mëti'ipë ënäty jam kajpnjotm yajpatëpën ets mëti'ipë ënäty të tmëjwa'kpätën ja Babilonyë yajkutujkpë ets mëti'ipë ënäty oyjyäty winë yaj'o'oyëtëpën.

Biblia Dc en Mixe de Quetzaltepec

¹⁵ Ets ja Nebuzaradán tyajnëjkxtaay ja ja'ay tsumy matsy jam Babilonyë, mëti'ipë ënety jam kajpnjotm yajpatëpën ets mëti'ipë ënety të tmëjwa'kpätën ja Babilonyë yajkutujkpë ets mëti'ipë ënety oyjyäty winë yaj'o'oyëtëpën.

Jeremias 52:15 ပူးပေါင်းရင်းမြစ်များ

Zacarías 14:2

Jä'ä xëëw yë Wintsën tyajmuka'any may yë naax kajpn ets tnipëtë'ëktëty yë Jerusalén kajpn. Ets nëjkx ja Jerusalén kajpn tyajtëkoytyë ets tpëjkëtya'atëty tiijaty myëët'ajtypyën, nëjkxëp ëxëëk tuntë ja to'oxytyëjkëtëjk ets kujkwä'kxynyäxy nëjkx tyajnëjkxtë tsumy matsy ja ja'ay. Niwäänë nëjkx jyaak wë'ëmtë ja'ayëty kajpnjoty.

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënäty të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

Ezequiel 12:11

Ënëëmë ko mijts ijxpäjtën jëtu'un myäjkpy ma yë'ëjëtyën ets yë'ëjëty kopkpëky ko jëtu'un tuna'antë winë tä mijts të xytyunyën, jä'ä ko yë'ëjëty yajmënëjkxantëp tsumy matsy wiink naax wiink kajpn.

Jeremias 1:3

Ojts näjyëtu'un myëkäjpxyë ma ënäty yë Joaquim y'ëne'emyën, yë Josías yë myaank, mëti'ipë jam Judá yajkutujkpën. Ojts myëkäjpxyë mapaat yë Sedequías yajkutujkyën, yë Josías yë myaank jam Judá. Jää ma myëkoxk po'opetyën ja mëmajktu'uk jëmëjtpë. Jää jëmëjt ma ja Jerusalén ojts yajnitëkën.