Jeremias 52:12 - Biblia Mixe de Quetzaltepec

¹² Ma myajk anyën ja mëmëkoxk po'opë, ma tyu'uye'eyën ja mëmajkmokx majktaxkpë, ma tyëkën yajkutujkpë yë Nabucodonosor jam Babilonyë, yë Nebuzaradán mëti'ipë yë yajkutujkpë pyutëjkëpën, ma winë tuknipëjktaakën ets mëti'ipë näjyëtu'un nyiwintsën'ajtypyën ja këwen'ajtpëtëjkëty ma ja kutujktaknën, ojts jyä'ty jam Jerusalén

Biblia Dc en Mixe de Quetzaltepec

¹² Ma myajk anyën ja mëmëkoxk po'opë, ma tyu'uye'eyën ja mëmajkmokx majktaxkpë, ma tyëkën yajkutujkpë yë Nabucodonosor jam Babilonyë, yë Nebuzaradán mëti'ipë yë yajkutujkpë pyutëjkëpën, ma winë tuknipëjktaakën ets mëti'ipë näjyëtu'un nyiwintsën'ajtypyën ja këwen'ajtpëtëjkëty ma ja kutujktaknën, ojts jyä'ty jam Jerusalén

Jeremias 52:12 ပူးပေါင်းရင်းမြစ်များ

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Jeremias 52:29

Ma ënäty mëmajkmokx tëkëëk jëmëjt y'apetyën ma yajkutukyën, jä'ä ojts tyajnëjkxy ja'ay tsumy matsy: tuktujk mëko'px ja i'px majkmäjtsk, Jerusalén ja'ayëty;

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

2 Reyes 24:12

Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënäty tyuktujk jëmëjtpetyën ma ja Nabucodonosor yajkutukyën jam Babilonyë.

Jeremias 52:14

e ja tsiptuunpëtëjkëty mëti'ipë ënäty mëët të myintën, ojts tjijtë'ëktë ja potsy mëti'ipë Jerusalén kajpn nyapots'ajtypyën.

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënäty y'ity ma yajkutujkpën, mëti'ipë ënä'ämpën jap Egiptë; yë'ë ënäty wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

Esdras 5:12

Näyjyëtu'un të nikajpxtë ko ojts ja y'ap y'okëty ja Tyios tyajjoot'anpëktë mëjwiin këjää, paaty ojts kyë'ëyakëtë ma ja yajkutujkpën Nabucodonosor jampë Babilonyë yajkutukyën, ma Caldeo ja'ayëtyën; e yë'ëts ojts tjijtë'ëky ya'atë tsajptëjk ets ja mayjyä'äy yaj'ëxwojptaay.

Nehemías 2:3

tääjës n'ëtsooy ja yajkutujkpë: Mëjwintsën, ma njuuky'ätyën xëmë. ¿Wi'ixëtën ëjts nkamon nkatukëtyës, koos nijawë'aty maas ja n'ap n'ok nyaaxtëjkëtyën axit ako'owë jam je'eyë të yajtuuntaaynyë ets ja naax kajpn ja nyitëjk'aaw jëna'ajëp ja mëtsiptëjk tnino'ktaaynyëtë?

Salmos 79:1

Mijts Tios, yë ja'ayëty mëti'ipë y'ëwtajtëpën ka'apë tiosëtyën, tëë tniwa'kta'atë tëkokyë mëti'ipë mijts mjä'ä'ajtypyën, tëë tyajma'ta'atë yë mtsajptëjk ets xit ko'ow të tuunta'atë yë Jerusalén kajpn.

Daniel 1:1

Ma mëtëkëëk jëmëjt yajkutukyën yë Joaquim jam Judá, jää ojts yë Nabucodonosor, Babilonyë yajkutujkpë jyä'ty jam Jerusalén ets tyajnatujky ja kajpn mëët ja tsyiptuunpëtëjk.

Jeremias 1:3

Ojts näjyëtu'un myëkäjpxyë ma ënäty yë Joaquim y'ëne'emyën, yë Josías yë myaank, mëti'ipë jam Judá yajkutujkpën. Ojts myëkäjpxyë mapaat yë Sedequías yajkutujkyën, yë Josías yë myaank jam Judá. Jää ma myëkoxk po'opetyën ja mëmajktu'uk jëmëjtpë. Jää jëmëjt ma ja Jerusalén ojts yajnitëkën.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Jeremias 39:11

Yë Nabucodonosor Babilonyë yajkutujkpë, ojts tukmëwë'ëmy yë Nebuzaradán ya'atë ënä'ämën wi'ix tmëët'atëtyën ja Jeremías ets t'ënëmaay:

Daniel 2:14

Ënät ja Daniel ojts mëët ja jot winma'any niwijypyë tmëkäjpxy ja Arioc, ja tsiptuunpë wintsën, mëti'ipë ënäty të nyiminëtën ets yaj'ooka'anëtë.