Jeremias 52:10 - Biblia Mixe de Quetzaltepec

¹⁰ mëët yë y'u'unk y'ëna'k ets wyintsëntëjk, jampë Judá kyukajpn'atën, ets yajyo'kpuxtëty yë'ë wyintuuy.

Biblia Dc en Mixe de Quetzaltepec

¹⁰ mëët yë y'u'unk y'ëna'k ets wyintsëntëjk, jampë Judá kyukajpn'atën, ets yajyo'kpuxtëty yë'ë wyintuuy.

Jeremias 52:10 ပူးပေါင်းရင်းမြစ်များ

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

Deuteronomio 28:34

Ko je'eyë xëmë xy'ijxnëty yë ëyo'on jotmay, tsuu poj nëjkx mjajnë.

Génesis 44:34

Jä'ä ko wi'ixës ëjts nwinpitëty ets nteetyës jotkujk nwinkuwa'akëtyës, ¿pën ka'apës yë myaank nyajnëjkxë? Ëjts ka'apës oy näjyawëtëty ko ja nteetyës ëxëëk jyatëty kyëpätëty.

Génesis 21:16

Tää wäänë ja y'u'unk tmëjëkämkeky ets najamtëkë nyaaxwe'tsy, jä'ä ko ja y'u'unk ënäty kya'ijx'ookäämpy; e wäänë y'ijty tääts ja y'u'unk tyëjkëy yaxpë.

Jeremias 34:21

Tëës näjyëtu'un ntuknipëjktaakë ets Sedequías, Judá yajkutujkpë mëët yë tyuunpëtëjk kya'atëty ma ja myëtsiptëjkëtyën, ma ja Babilonyë ja'ayëtyën mëti'ipë tsiptuuntëpën, mëti'ipë tu'ktsojkyë ja tsipt të tyajxäämtën.

Ezequiel 24:5

Yë'ë myaj'ookëp yë kupixyny oypyë mëkpë ets ja'axy xytyukpa'atwaapëty wä'än yajxon tni'ëëtsy, koonëm kyëëwta'akëty yë pyajk.