Jeremias 51:55 - Biblia Mixe de Quetzaltepec

⁵⁵ Yë'ë yë Wintsën yajkutëkoopy yë Babilonyë ets tyajkëxy tyajnaxy ma të y'iy të nyokyën. Yë mëtsip jëtu'un të nyija'tyë tä yë mejy y'amu'uyën.

Biblia Dc en Mixe de Quetzaltepec

⁵⁵ Yë'ë yë Wintsën yajkutëkoopy yë Babilonyë ets tyajkëxy tyajnaxy ma të y'iy të nyokyën. Yë mëtsip jëtu'un të nyija'tyë tä yë mejy y'amu'uyën.

Jeremias 51:55 ပူးပေါင်းရင်းမြစ်များ

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Apocalipsis 17:15

Ets ja tsajpjotmëtë kukäjpxy näjyëtu'un xynyëmaayës: Yë mejy mëti'ipë të xy'ixyën ma ku'into'oxy y'u'unyën, yë'ë tyijpy ja ja'ay mëti'ipë yajpatëpën maajaty ja naaxwiinyëtën, ma kanaakjëjpë ja aaw ayuk ja'ay tkajpxtën, ma ja naax kajpnën ets ma ja itjot naaxjotmën.

Lucas 21:25

Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Jeremias 51:42

Yë Babilonyë kajpn mëj nëëkom të yajkutëkoyë, jëtu'unyë nëë o'pyky të nyijä'tspetyë.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Isaías 15:1

Jä'ä tsu'um ma Ar kajpn kyutëkooyën, o'ktëy ojts jyäty kyëpety yë Moab; jä'ä tsu'um ma Quir kajpn kyutëkooyën o'ktëy, jyäjty kyëpejty yë Moab.

Salmos 65:7

Mijts yë nëëmejy amonyë myaj'ijtyp, ets ko yë naax kajpn ka'ap jyotkujk'aty mijts näjyëtu'un myajjotkujktäkpy;

Salmos 18:4

Tä tu'uk yë tejpxy tii yajtuktsumyën jëtu'unës yë o'kën të xyjyapaaty; jëtu'un tä nëë nyijä'tstëkoyën.

Salmos 69:2

tsyapës nkënajxnë këk mo'ontsjoty, ets ka'ap ma t'ëkjëkyäjpnë maas nwa'kta'atsëty. Tëës nkiinë këkmejyjoty, ets nëëkap yë'ëjës xytsyëëmnëjkxnëp ma nëë mëk pyëyi'ikyën.

Salmos 124:2

Kooxyëp yë Wintsën ka'ap të xypyutëjkëmë, ¿tii jeexyë të tyuny të jyätyë? Ma yë naaxwiinyëtë ja'ayëty ojts xyjyanipëtë'këmën ets xyjyaj'ooka'anëmën,

Salmos 124:4

Jëtu'un jeexyë të n'o'k të ntëko'oyëmë tä mëj nëëkom winë tyajnëjkxyën, ëkë tä winë tnijä'tstëkoyën.