Jeremias 51:20 - Biblia Mixe de Quetzaltepec

²⁰ Jëtu'un tä kuwojpënën, jëtu'un tä pujxn mëti'ipë yajmëtsiptuunpën, jëtu'un mijts Babilonyë nwa'any. Mëët mijtskyëjxm të nyajkutëkoyës yë naax kajpn ets të nyaj'atëkoyës yë ënä'ämtakn kutujktakn.

Biblia Dc en Mixe de Quetzaltepec

²⁰ Jëtu'un tä kuwojpënën, jëtu'un tä pujxn mëti'ipë yajmëtsiptuunpën, jëtu'un mijts Babilonyë nwa'any. Mëët mijtskyëjxm të nyajkutëkoyës yë naax kajpn ets të nyaj'atëkoyës yë ënä'ämtakn kutujktakn.

Jeremias 51:20 ပူးပေါင်းရင်းမြစ်များ

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Mateo 22:7

Ënät ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Jeremias 50:23

Yë Babilonyë ja'ayëty, jëtu'un yë naax kajpn y'ixyë pujxnkuwojpnën mëti'ipë tëë kyiitsyën ets piw nuuk të jyajta'ay. Tsë'këp yë naax kajpn ko yë Babilonyë ëxëëk të jyäty të kyëpety.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Isaías 8:9

Nämyukëtë naax kajpnëty, këtii yë'ë xytyukjotkujk'atëty jëën tsip, tsë'ëkëtë jawëtë; ja'akyukëtë ya'atë aaw ayuk miitsëty naax kajpnëty jëkämpë yajpaatën. Oy jënu'un mjatsiptuntëty ets mjamëta'aktëty, je'eyëm nëjkx mtsë'ëkëtë mjawëtë.

Isaías 45:1

Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Ezequiel 21:31

etsës nyajkëta'aka'any yë n'äkë ma mijtsën tä jëënpatoyën ets nkë'ëyaka'any ma ja'ayën ka'apë pya'ëyoyën ets mëti'ipë yaja'ay o'kpën.

Miqueas 4:12

Je'eyëp ko tääpë naax kajpnëty ka'ap tnijawëtë wi'ix ja Wintsën myäy tyäjyën ets tii tyuknipëjktakëpën; ka'ap ninu'un tja'awëy'itë ko jëtu'un jyata'antë tä yaj'atsuumtä'äkyën yë tsajpmok kepy të'ëtspë ko pyëti'iky ja pëjktä'äky.

Nahúm 2:1

Nínive, tää mniminyë mëti'ipë myajkutëkoyanëpën. Pëjkta'ak yë mkëwent'ajtpë ma këwent'ajtaknën. Kwent'at yë tu'u. Nätyukmoxwëënët yë mtëypyujxn. Yajmujkta'a yë mtsiptuunpëtëjk.

Zacarías 10:4

Jam pyëtsëma'any ja tsaa mëti'ipë potsy myëtänëjäämpyën. Ja Kepy kyupë mëti'ipë ja wit tëjk nyikupë'atäämpyën ets ja ti'pxn mëti'ipë yajmëtsiptunäämpën. Jam pyëtsëma'any tu'kë'ëyë ja ja'ayëty mëti'ipë yaj'ëwaatsëpëtsëëmtëpën.

Ezequiel 21:11

paaty të yajjëjpme'ey ets yajnajtstijëty. Tëë yajjëjpme'ey yajëjpwitsy ets tyajtunëty yë yaja'ay o'kpë.