Jeremias 51:14 - Biblia Mixe de Quetzaltepec

¹⁴ Yë Wintsën mëti'ipë maaytyääyëpën winë, kyë'ëm juukyajtën të tukajpxpety ets të y'ënä'äny: Jëtu'un yë mmëtsip ntuknimina'any tä mu'ujën ets tukxoonta'aka'antë ko ënäty mëmëtä'äkyë.

Biblia Dc en Mixe de Quetzaltepec

¹⁴ Yë Wintsën mëti'ipë maaytyääyëpën winë, kyë'ëm juukyajtën të tukajpxpety ets të y'ënä'äny: Jëtu'un yë mmëtsip ntuknimina'any tä mu'ujën ets tukxoonta'aka'antë ko ënety mëmëtä'äkyë.

Jeremias 51:14 ပူးပေါင်းရင်းမြစ်များ

Amós 6:8

Yë Wintsën, Tios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënäty kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Jeremias 49:13

Ëjts, mëti'ipë Wintsën'ajtpën, nxëëwës ntukajpxpejtyp: Yë Bosrá kajpn aanë'ëk tëëtsë'ëk ets xit ko'ow wyë'ëma'any, yë'ë nëjkx y'ijxpäjtën'aty ko ënäty o'ktëy jyäty kyëpety ets ko ënäty të yajpoky, e ja wiinkëtypë ja naax kajpn xit ko'ow nëjkx jyajta'atë.

Hebreos 6:13

Ko ja Tios tyaj'apatëy ja waantakën ma ja Abrahamën, kë'ëm ojts nyäxyëëwkukäjpxyë, jä'ä ko ka'ap ënäty pën wiinkpë wäänë mëjpë ijxtëm yë'ëjën.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 46:23

Pyujxë'kta'ajantëp yë aay kepy yuukjotypë. Ëjts Wintsën, ëjts ënaanp. Ja mëtsip jëtu'un nyimay'ata'antë tä maymyu'ujën, ni pën nëjkx kyamayë tmëtsyowëty.

Jueces 6:5

E komë nimay ijty yajxon myintë ets ko ja wyittëjk tpëjktakta'atë yajxon tyajwintujkta'atë ja it naaxwiinyëtë ets mëët ja jyëyujk tsyajpkaajëty, näjyëtu'un ets ja may jëyujk jëku'ux.

Salmos 105:34

Je'eyë ojts yë Tios kyäjpxy ets myiintë yë maymyu'u, nimay ënäty yajxonëty ka'ap t'ëkjëkyäjpnë yajmëtyowëty.

Jeremias 44:26

E miitsëty Judá ja'ayëty nijënu'un yaa Egiptë mtsëënëtën, mëtowtë ya'atë aaw ayuk: Ëjts, mëti'ipë Wintsën'ajtpën, jëtu'unës n'ëna'any: nmëj xëëwës ntukajpxpejtyp, ko nitu'uk yë Judá ja'ay nëjkx ja nxëëwës jatëkok tkakajpxpaaty yaa ma Egiptë kajpnën ets ka'ap nëjkx nijëna'a y'ëk'ënanë pën: Mëët ja Wintsën ja jyuukyajtën.