Jeremias 51:1 - Biblia Mixe de Quetzaltepec

¹ Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Biblia Dc en Mixe de Quetzaltepec

¹ Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Jeremias 51:1 ပူးပေါင်းရင်းမြစ်များ

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Oseas 13:15

Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënäty yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Jeremias 50:33

Yë Wintsën mëti'ipë maaytyääyëpën winë, jëtu'un y'ënä'äny: Yë Israel kajpn ets Judá kajpn mëk y'ëyowtë ko yajtëytyuntë. Tsumy matsy ja myëtsip yaj'itëtë ets ka'ap nyajtsmatsëtë.

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 50:24

Mijts Babilonyë, kë'ëm të xynyipëjktaakë yë m'o'ktakn yu'utsypë, ka'ap të xyjyawë ko jam o'këntum të mka'ay. Jam wë'ëm, jam ku'ëtuky yajpaat mëët ko të xykyamëtoowkukë yë Wintsën.

Jeremias 50:21

Nitëkëtë yë Merataim yë nyaaxjot ets Pecod ja'ayëty, papo'otë ma nyëjkxtën, koonëm xyajkutëkoytyëty. Jëtu'un xytyuntëty tääjës ni'ënä'ämën. Ëjts Wintsën, ëjts ënaanp.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Jeremias 49:36

Mëkpoj ëtsu'ux poj nyajminäämpyës xiitsow yaatsow ma tyaapë kajpnën ets jëtu'unyë pyojwa'kxta'atëty ja ja'ayëty ma ja naax kajpnën, oymyaakajpnëty nëjkxëp jam nyajtskäkëtya'atë mëti'ipë käktëpën.

2 Reyes 19:7

Ëjts yam kë'ëm ntuknipëjktaakëjäämpy ets tmëtoowpaatëty tu'uk ja ayuk mëti'ipë atsip'atëtëpën ets wyimpitëty ma nyaax kyajpnën, jamts nëjkx pën yaj'ookyë.

Salmos 137:8

Mijts Babilonyë ja'ayëty, nëjkxëp jëna'a mkutëkooytya'atë. Jotkujk ja ja'ay yajpaatëty mëti'ipë ënäty ëxëëk mtuunëpën, mëët koos ëxëëk të xytyuntë.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Isaías 13:13

Ëxëëk nëjkx ja tsajp jyäty kyëpety, ets ja naaxwiinyëtë wiinktsow nëjkx nyaskëyë mëët ko ënäty yajxon të njoot'anpëkyës.

Isaías 14:14

Nwinaxäämpyës ja yoots këjxmëtypë; wäänë këjxmës nja'ta'any jëtu'un tä ja Ni'ik Këjxmëpën.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Jeremias 51:53

Ma ënäty yë Babilonyë kajpn mëj'äämpy të y'awinpityën ets nyäjyawëtëty tëë yowë tsajp tpaaty yë nyaax kyajpn ta'tspëkpyë, jampaatës nkäxa'any yë myëtsip mëti'ipë yajkutëkoyëtëpën. Ëjts Wintsën, ëjts ënaanp.

Jeremias 51:60

Yë Jeremías tëë ënäty tjaaypyäjta'ay nokykyijxy ja ëyo'on jotmay mëti'ipëjaty ja Babilonyë kajpn tukja'tanëpën,