Jeremias 50:7 - Biblia Mixe de Quetzaltepec

⁷ Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Biblia Dc en Mixe de Quetzaltepec

⁷ Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Jeremias 50:7 ပူးပေါင်းရင်းမြစ်များ

Jeremias 14:8

Mëti'ipë ja Israel ja'ayëty tyuk'ijxpäjtëpën, mëti'ipë ëëtsëty xyajnitsoktëpën ko jyää'aty ja ëyo'on jotmay, ¿wi'ix ko jaaypyaat jaaypyo'kxyën mnäypyëjktä'äkyë naaxjoty kajpnjoty, jëtu'un tä tu'uk yë ja'ayën mëti'ipë tu'u'am'ajtpën, tu'ktsuuyëpë muum myä'äyën?

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Zacarías 11:5

Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënäty nyajtëkajtsës yë Judá ja'ay yë jyuuky'ajtënëty ets ko ënäty jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

1 Timoteo 1:1

Ëjts Pablo, Kristë Jesús ja y'ayuk kajpxwa'kxpë, mëti'ipës yë Tios Yajknitsokpë të xytyuk'ëne'emyën ets ja Kristë Jesús, mëti'ipë njëjp'ijxëmën,

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënäty ëjts të njoot'anpëkyën.

Daniel 9:16

Ëëtsëty nija'awëtyëpës ko mijts Wintsën, oy yë jot winma'any xymyëëtëty. Tun yë mëyajtën jëpëk yë mtsip m'äkë jam Jerusalén, jä'ä ko yë'ë mijts mkajpn'ajtyp ets jam yajpaaty ja kopk wa'atspë. Tëkokyë yë ja'ayëty mëti'ipë mëët yë Jerusalén kajpn nyämyëwinkon'atyën aak je'eyë tnëxi'ik tukxi'iktë yë Jerusalén kajpn, mëti'ipë mijts mkajpn'ajtypyën, mëët ko ëëtsëty të ntëkoytyë ets ko ojts pyokytyuntë ja n'ap n'okëtyës.

Daniel 9:6

Ka'ap të nmëjpëjkta'aktës ja y'aaw y'ayukëty ja käjpxynyajxpëtëjkëty, mëti'ipë të tjanimëtya'aktën ja m'aaw m'ayuk ets të tjakajpxtë'ëwtë ëëts ja nyajkutujkpëtëjkëty, ja n'ënä'ämpëtëjkëty, ja n'ap n'okëty ets tëkokyë ja Israel kajpn.

Jeremias 50:33

Yë Wintsën mëti'ipë maaytyääyëpën winë, jëtu'un y'ënä'äny: Yë Israel kajpn ets Judá kajpn mëk y'ëyowtë ko yajtëytyuntë. Tsumy matsy ja myëtsip yaj'itëtë ets ka'ap nyajtsmatsëtë.

Isaías 56:9

Miinta'atë ëwa'anjëyujkëty; yukjotypë mtsëënëtën, mëti'ipë tsyu'tstëpën ja tsajppax ets kupixyny,

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Salmos 91:1

Pën juukyajtpën ma Tios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Salmos 90:1

Wintsën, mijts ëëts ntsoktakn'ajtëp tyimku'ty jëtu'un yë xëëw jëmëjt.

Salmos 79:7

Jä'ä ko yë'ëjëty ojts ëxëëk tuntë yë Jacob yë jyä'äy, ets xit ko'ow tuuntë ja naax kajpn.

Salmos 71:5

Wintsën, jëtu'unyëm mijts ntuk'ijxpety koos nmëxu'unk'ajty ets tyampaat maas të nmëj ja'ayënën, mijts n'a'ijxyp njëjp'ijxyp ets mijts näjyëtu'un ntukjotkujk'ajtyp.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënäty mtijpyën ko tya'tspëkyëty ets kyëwent'atyëty.

Jeremias 10:25

Yajkëta'ak ja mtsip m'äkë ma ja naax kajpnën mëti'ipë ka'ap m'ixy'ätyën, ma ja naax kajpn mëti'ipë ka'ap mmëkäjpxyën, jä'ä ko tëë ja Jacob ja nyaax kyajpn ëxëëk tuunëtë, tëë yajxon timyajkutëkoytyë ets xit ko'ow të t'ëxmatstë.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënäty mijts të myaj'ëxmatsy ma jëtu'un m'ityën tä nëëkopkën.

Ezequiel 34:5

Yë nkupixynyës jëtu'unyë të wyi'imy ka'ap pën kyëwent'ajtpë, tëë ye'eywya'kxta'atë ets të tsyu'tsta'ajëtë yë jëyujk.

Ezequiel 35:12

Ënät xy'ixëty ko ëjts Wintsën, ojtsës nmëtoowta'ay tëkokyë wi'ixjaty ojts xytyijyën yë Israel kopk. Mijts, ojts m'ëna'any: Të'ëts it yë'ë, tyam jyëkyejpy njä'äpëjkmëty.

Jeremias 33:15

Ko ënäty tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Jeremias 50:14

Miitsëty jënu'un mti'pxtën, nëjkx yë Babilonyë kajpn yajnatuktë. Jam najtsti'pxëtë ma yë'ëjën, jä'ä ko tëëjës xymyëpoky tyuntë, ëjts Wintsën.