Jeremias 50:34 - Biblia Mixe de Quetzaltepec

³⁴ E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Biblia Dc en Mixe de Quetzaltepec

³⁴ E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Jeremias 50:34 ပူးပေါင်းရင်းမြစ်များ

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Jeremias 51:36

Jëtu'un yë Wintsën y'ënä'äny: Ëjts mijts nipaye'eyäämpy ets mmëtsip ntukukëpäta'anyës ijxtëm të mtunyën. Nyajtëtsta'ajäämpyës yë mëjnëë ets nëë wok jampë Babilonyë yajpaatyën,

Jeremias 15:21

Nëjkxëp nyajtso'oky ma ja ëxëëkja'aytyëjk y'ëtë'ëtstën y'ëna'antën, nëjkxëp nkuwa'any ma ja ja'ayëtyën mëti'ipë je'eyë jëën tsip tyäty tsyojktëpën.

Isaías 47:4

Mëti'ipë ëëts xyaj'ëwaatsëpëtsëëmpën ja Wintsën, wa'atspë yajpaatyën jam Israel, mëti'ipë xyëëwajtypyën Wintsën, mëti'ipë maaytyääyëpën winë, jëtu'un y'ënä'äny:

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënäty myëtä'äky.

Isaías 43:14

Ja Wintsën, Wa'atspë yajpaatyën ma Israel kajpnën, mëti'ipë të mmo'ojëtën ja ëwaatsëtuuy'ajtën, jëtu'un y'ënä'äny: Ko ënäty miitsëty nyaj'ëwaatsë pëtsëmtë, nkäxäämpyës ja'ay jam Babilonyë, ets nyaj'ëwa'atsa'anyës ja tëjk'aaw, tääts ja Caldeo ja'ayëty nyaj'awinpitanës ja xyoontakënëty pëjkën ijxën.

Salmos 43:1

Tios, nipaye'eykyës maas ëxëëk njaty nkëpetyën; pukajpxëkës ma ja'ayëtyën mëti'ipë ka'ap Tios t'ëwtatën. Yajtsokës ma ya'atë ëxëëkja'ayëtyën mëti'ipë je'eyë win'ë'ën antaktëpën,

Salmos 35:1

Wintsën, jëjpkuwa'akë näjyëtu'un, mëti'ipës xyjyëjpkuwa'këpën; ëtuk mëti'ipës xy'ëtujkpën.

Miqueas 4:10

Näwyiit näyxyaatsët ets ya'ax jok, mijts Sión kajpn, jëtu'un tä tu'uk yë to'oxytyëjkën mëti'ipë u'unk maay pyaatäämpy y'ixäämpyën, jä'ä ko tso'onta'ajantëp yë mja'ay ets nëjkx jam muum wintë'ëtstuuy jyuuky'atë, jampaat Babilonyë jya'ta'antë. E yë Wintsën nëjkxëp jam tyajpëtsëmy yë nyaax kyajpn; nëjkxëp tyajtso'oky ma ënäty yajpaatyën myëtsip'akujky.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Proverbios 23:11

jä'ä ko yë'ëjëty myëët'ajtëp yë yajnitsokpë, mëti'ipë winë tyuunpyën mëët yë mëk'ajtën, mëti'ipë nëjkx ëxëëk mtunyën ma ënäty yajniwaantu'utën.

Proverbios 22:23

jä'ä ko Tios yë'ë kuwanëp yë ëyoopëja'ay ets ëxëëk tuna'any ja mëti'ipë ënäty ja ëyoopëja'ay ëxëëk tyuunpyën.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Jeremias 51:19

Tëkatsy ni'ik yë Jacob yë Tyios, mëti'ipë yajkojtaayën tëkokyë winë. Yë'ë wyin'ijx yë Israel kajpn ets yë'ë tjä'äpëjky. Jä'ä txëëwaty Wintsën mëti'ipë maaytyääyëpën winë.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Job 19:25

Ëjts nija'apës ko juuky yajpaaty mëti'ipës xypyukajpxëjaanpën ets yë'ëjës xynyikajpxtu'utaanp yaa naaxwiiny naaxkëjxy.

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënäty të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënäty të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënäty muum wi'ix jyata'antë.

Jeremias 31:11

Yë Wintsën tëë tyajtso'oky yë Jacob yë nyaax kyajpn, tëë tyajpëtsëmy jam ma ja mëkpë ja naax kajpnën.

Jeremias 31:35

Yë Wintsën mëti'ipë pyëjktakën yë xëëw ets xëëny kyutë'kxëty; yë po'o ets mëtsa'a ets koots kyutë'kxtëty; mëti'ipë yajyu'kxypyën yë mëjmejy, mëti'ipë yajmu'upy yajni'typyën yë nëë'o'pyky, mëti'ipë xyëëwajtypyën Wintsën mëti'ipë maaytyääyëpën winë, jëtu'un y'ënä'äny:

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Tios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Lamentaciones 3:58

Mijts Wintsën, mijtsës xynyiwaantutp tsipjoty ets mijts myajtsokpy yë njuukyajtënës.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

2 Crónicas 6:39

mijts mëtoow'ijtëp ja y'ëëwtak kyajpxtakënëty ets jyiiytyak nyu'kxtakënëty jam tsajpjotm ma myajpaatyën, paye'ey ja nyëë pyokyëty, nikajpxtu'ut ets mä'kxëp ma ënäty të mëtëkoyëtën.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Jeremias 30:20

Yë Israel ja'ayëty nëjkxëp jyotkujkëtë tä ijty tëëyëpën; mëk nëjkx yë nyaax kyajpn y'itë ëjts nwintuuyës, ëjts kë'ëm ntëytyunäämpy mëti'ipë ëxëëk tuunëpën ets yaj'ëyoowëpën.

Jeremias 48:15

Tää tyimwinkony mëti'ipë ja Moab ja'ay yajkutëkoyanëtëpën ets ja nyaax kyajpnëty; yë'ëpaat y'o'kta'aja'antë yä'äy ëna'k mëti'ipë je'eyë juuky'ajtso'ontëpnën. Yë'ë jëtu'un ënaanp yë Wintsën Yajkutujkpë mëti'ipë maaytyääyëpën winë.