Jeremias 50:32 - Biblia Mixe de Quetzaltepec

³² Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Biblia Dc en Mixe de Quetzaltepec

³² Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Jeremias 50:32 ပူးပေါင်းရင်းမြစ်များ

Jeremias 49:27

Njëënmo'ojäämpyës yë Damaskë kajpn ets Ben-hadad kajpn yë kyumoontëjk.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

Amós 2:5

Paatykyëjxmës nyajnitooytya'aja'any yë Judá kajpn ets tääpë jëën yë'ë nyo'okäämpy yë kutujkëntëjk mëti'ipë jamën Jerusalén.

Amós 2:2

Paatykyëjxmës nno'oka'any yë Moab yë y'itjot ets tääpë jëën yë'ë nyo'okäämpy yë kutujkëntëjk mëti'ipë jamën Queriot; ets Moab ja'ayëty nëjkxëp y'ooktë tsipjotm, ma ënäty yajtukxu'uxyën ja tsajpkaawaj.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënäty ja jëën tsip y'ityën jëtu'un tä tyu'uyën.

Amós 1:12

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Temán kajpn ets tääpë jëën yë'ë nyo'ktëkooytya'ajäämpy yë kutujkëntëjk mëti'ipë jamën Posrá.

Amós 1:10

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Tirë kajpn ets tääpë jëën yë'ë nyo'ktëkooytya'ajäämpy yë kutujkëntëjk.

Amós 1:7

Paatykyëjxmës nyajnitoyä'äny yë potsy mëti'ipë nyapots'ajtypyën yë Gaza kajpn ets tääpë jëën yë'ë nyo'ktëkooytya'ajäämpy yë kutujkëntëjk.

Amós 1:4

Paatykyëjxmës nyajnitooytya'aja'any yë Hazael yë y'u'unk y'ëna'k ets jyiiky myëku'uk. Ja jëën näjyëtu'un yajnitooytya'ajäämpy yë kutujkëntëjk jampë Ben-hadad.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënäty myëët'ajtypyën ma yajkutukyën.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 51:26

Nitu'uk yë tsaa nëjkx xykyayaj'tuny ets xytyuktëjkkojëty. Aanë'ëk tëëtsë'ëk xëmë m'itëty. Ëjts Wintsën, ëjts ënaanp.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Salmos 119:78

Wä'än tsëtyu'unmëët twë'ëmtë ja ja'ayëty ëxëëkpë jyot wyinma'anyëtyën mëti'ipëjaty nanëkookyëjxm ëxëëk xytyuuntëpës, ëjts yi'iyës nmëmayäämpy nmëtajäämpy ja m'aaw m'ayuk.

Amós 5:2

Ja Israel kajpn mëti'ipë ënäty oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.