Jeremias 50:19 - Biblia Mixe de Quetzaltepec

¹⁹ Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Biblia Dc en Mixe de Quetzaltepec

¹⁹ Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Jeremias 50:19 ပူးပေါင်းရင်းမြစ်များ

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Ezequiel 38:8

Pyatäämpy ja xëëw jëmëjt ets nëjkx myajtuk'ëne'emy ma ja naax kajpn xynyitëkëtyën mëti'ipë jeky të tsyiptunyën, mëti'ipë tëë jyotkujkën; ja kajpn mëti'ipë wiink naax wiink kajpn yajpatpën najtswop najtskäpë ets ojts yaj'ëxwoptë xëmëkyëjxm, je'eyëp ko tëë jatëkok wyimpitë ma ja Israel ja it naaxwiinyëtë tmëët'atyën. Yë'ëjëty tëë ye'eymyujkta'atë jatëkok oy jeky muum wiink naax wiink kajpn të yajpaatë ets yë'ëjëty jotkujk jatëkok nyäyjyawëtë.

Ezequiel 36:33

Ëjts Wintsën, jëtu'unës n'ëna'any: Ko ënäty nmä'kxta'ayës miits ja mpokyëty, nëjkxëp jam nyajtsëënëtë ma mkë'ëmnaax mkë'ëmkajpnëtyën ets nëjkxëp jatëkok xykyoj'oyëtë ja naax kajpn mëti'ipë ënäty të jyityën.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Ezequiel 11:17

Näyjyëtu'un ënëëmë: Jëtu'un yë Wintsën y'ënä'äny: Ëjts jatëkok nyajtsoonäämpy ma tääpë naax kajpnëtyën ma yajpaatën tsumy matsy, nyajtu'ukmukäämpyës jatëkok etsës nmo'oja'antë ja Israel naaxwiinyëtë.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Jeremias 31:25

Ku'uxyës nyajkaya'an nyaj'uuka'antë mëti'ipë ënäty të y'ënu'kxëtën ets të myëjaawkëxtën.

Jeremias 31:14

Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënäty të y'ityën.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 3:18

Ko ënäty jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 33:9

Jëëytyëp yaxtëp ja ja'ayëty ko ja o'kën tëko'oyën y'ity, anë'ëk tëëtsë'ëk ja Líbano naaxjot yajpatnë, ja Sarón itjot aanë'ëk tëëtsë'ëk të y'awinpijnë, ja Basán kopk ets ja Carmel kopk tëë wyinwatstaaynyë.

Cantares 6:5

Këtiis nëkoo xywyintë'kxy, koos xywyintë'kxy ka'ap jeky nwintë'kxa'any. Jëtu'un yë mwaay pyojyu'kxy tä yë kupixyny kyëpijp ëwtitën jam ma Galaad kopkën.

Josue 17:15

Ënät ja Josué y'ëtsoowëtë: Jä'ä ko miitsëty mnimay'atë ets ka'ap jam mtëjkëtya'atë ma ja Efraín ja nyaaxjotmën, nëjkxtë jam yukjotm, ma Refa ja'ayëty ets Ferez ja'ayëty tnitänëtën ets xyajwa'atstëty ets jam mtsënaaytyaknpëktëty.

Números 32:1

Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Jeremias 46:27

Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, këtii mtsë'ëkëtëty miitsëty Israel ja'ayëty. Ëjts miitsëty nyajtso'onkantëp ni'ëmukë mëët yë m'u'unk m'ëna'këty oy ënäty jam muum wiink naax wiink kajpn myajpaatë tsumy matsy. Nëjkxëp jatëkok jëna'a jotkujk mjuuky'atë, ni pën mka'ëtsë'ëkëtëty.

Jeremias 50:6

Yë nnaaxës nkajpnës jëtu'un ënäty yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Ezequiel 47:18

Ja tsëpa'an xëëwpëtsëmtsyowpë nyäxyën jam nëjkx tsyoony Haurán ets Damaskë ets nëjkx jyä'ty jam Tamar, ma Ookpyë Mejyën, yë'ë pyaye'eyëp yë Jordán nëë, yë'ë nëjkx tsyëpa'an'aty ma mëët nyäpyaatëtëtyën yë Galaad ets Israel y'itjot.

Zacarías 10:10

Nëjkxëpës jap Egiptë, jam Asiria nyajtsoontë ets nëjkx jam Galaad ets Líbano nyajnëjkxtës; yajxon nëjkx nyimayëtë, ka'ap ja it naaxwiinyëtë nyipaatëja'any mëët yë'ëjëty.

Números 32:4

mëti'ipë yë Tios të tnitsiptunyën ets Israel kajpn tmo'oja'any. Jëtu'un yaj'ixy janty'oy yowë jam wya'anëty jëyujk tënaaytyakn tsajpkaatënaaytyakn, e ëëtsëty nmëët'ajtëpës yë jëyujk tsajpkaa.

Esdras 2:1

Ya'atë Judá ja'ayëty yë'ë ojts wyimpitë jatëkok, jam tsyo'ontë Babilonyë, ma ënäty ja yajkutujkpë Nabucodonosor të myëët'atëtën tsumy matsy. Ko ojts tpatnë jajëmëjt tääts ojts jatëkok wyimpijnëtë jam Jerusalén ets jam Judá; nitu'ukjaty ojts tpata'atë ja nyaax kyajpnëty.