Jeremias 50:16 - Biblia Mixe de Quetzaltepec

¹⁶ Ni pën jam Babilonyë xykyayajwë'ëmtëty mëti'ipë ni'ipëpën kojëpën ets tyajpëtë'ëkëty ja pëjktä'äky. Ko ënäty ja ja'ayëty t'ixtë wi'ix ja ëyo'on myëkëtyën, nëjkxëp wyimpijta'atë kyajpntum. May nëjkx kyä'äktë ets nëjkx tja'amyätstë yë nyaax kyajpnëty.

Biblia Dc en Mixe de Quetzaltepec

¹⁶ Ni pën jam Babilonyë xykyayajwë'ëmtëty mëti'ipë ni'ipëpën kojëpën ets tyajpëtë'ëkëty ja pëjktä'äky. Ko ënety ja ja'ayëty t'ixtë wi'ix ja ëyo'on myëkëtyën, nëjkxëp wyimpijta'atë kyajpntum. May nëjkx kyä'äktë ets nëjkx tja'amyätstë yë nyaax kyajpnëty.

Jeremias 50:16 ပူးပေါင်းရင်းမြစ်များ

Isaías 13:14

Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Jeremias 46:16

Yë mtsiptuunpëtëjk je'eyë y'anäpëtë ets kyëtawtë, nixim niyam nyäy'ëna'anëtë: Tsojk nkäkëmë, nikë tim ja'amënë ma nkajpn'ajtëmën, tsojk tsip ntimkyukäkëmë.

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënäty të xyjyakoj të xyjyani'iptën ets tsajpmok ets cebadë mya'ata'aja'any.

Amós 5:16

Jëtu'un yë Wintsën y'ënä'äny mëti'ipë maaytyääyëpën winë: Jë'ëyën yaxën itaanp në'ëjoty tu'ujoty, xiitsow yaatsow muum ja'ay jyë'ëja'an ya'axa'antë mëët ja pëjkën ijxën. Nëjkxëp tmëkajpxmuktë ja naaxtuunpëtëjkëty ets myintëty jëëpyë yaxpë ets mëti'ipë tyukjajtëpën ya'axtëty nëjkxëp twowtë.

Jeremias 51:23

Mëët miitskyëjxm nyajkutëkoopyës yë kupixyny këwent'ajtpë mëët yë kyupixyny. Mëët mijtskyëjxm nyajkutëkoopyës mëti'ipë naaxtuuntëpën ets jëyujk tsajpkaa, yajkutujkpëtëjk ets wintsëntëjkëty.

Jeremias 25:38

Jëtu'un të tnipëtsëmy ja naax kajpn tä tu'uk kaa pyëtsimyën y'ijtaknjoty ets ëxëëk tuuny ja naax kajpn, jä'ä ko ja Wintsën ja tsyip y'äkë jëënën tsyooypyijky, paaty tyajnaaxkëtäky ja jëën tsip.