Jeremias 5:7 - Biblia Mixe de Quetzaltepec

⁷ Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Biblia Dc en Mixe de Quetzaltepec

⁷ Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Jeremias 5:7 ပူးပေါင်းရင်းမြစ်များ

Gálatas 4:8

Ko ijty miits ja Tios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënäty të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Tios je'eyë.

Jeremias 23:10

Ujts yë naax kajpn yajpaaty mëët yë ja'ay mëti'ipë ka'ap twintsë'ëkëtën yë pëjkën ukën, yi'iyë tyuuntëp kyajpxtëp yë ëxëëkpë, je'eyë tyäty ënä'äma'antë tyäty yajkutuka'antë ets tëkatsy winë tnipaye'eytyë. Paaty ojts yë Wintsën tpoky yë naaxwiinyëtë ets ja naaxwiinyëtë tyëëtsë'ky, ojts tyëtstëkoy ja aay ujts jampë të'ëts'itjotmën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Tios ja kyutujktaknënë?

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Amós 8:14

Mëti'ipë ënäty të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Oseas 13:6

E ko miitsëty ja mjë'kxy mpëky may xymyëët'ajtë ets nyatëjkëy, amëj akëjxm ojts m'aaw mjot xyjyawëtë ets xyjyä'äytyëkoytyës.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Oseas 7:4

Aak tëë tyajtëkooytya'atë ja wyintsë'kën ja pëjkën ukën; jëtu'un yë'ë tä jëëntooytyaknën ma tsajpkääky kyi'iyën, ko tëë y'aanpëky ka'ap yë tsajpkääky oytyuunpë nëkoo t'ëk jëën mooynyë, je'eyë jyitsy tij'o'knë ets tyajnimaanajxnë.

Oseas 4:2

Yi'iyë mëjnajxnëp wi'ix wiinkë'ëy akë'ëy Tios xyëëw tukajpxpätëtyën ets y'ayuk ka'ap tkuuytyuntë, ja näwyin'ëën näwyinxajën ets ja ka'apë myëtëyëtyën, ma yaja'ay ooktën, ma myäätstën, ma pëjkën ukën ka'ap twintsë'ëkëtën ets ma je'eyë tsyiptuntën ets janaam jatsojk myëku'uk tyaj'ooktë.

Ezequiel 22:11

Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 9:2

Jëtu'unpëk nmëët'atyës yë tsënaaytyakn jam të'ëts'itum maas jeexyë ntsëënën, täätsës jeexyë nnaax nkajpn ntimmyëjëkämke'eky. Jä'ä ko ma yë'ëjëtyën ni pën ja näywyintsë'kën tkamëët'aty, tëë tyajtëkoytyë ja wintsë'kën, aak nyikäjpxyyajkëtyëp ja jyiiky myëku'uk.

Jeremias 3:19

Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Salmos 50:18

Ja'ay mëti'ipë toonp mä'tspën, janty'oy xytsyoky xyjyawë, jëtu'un xy'oyjawë mëkä'äx'ajtyp yowë; janty'oy mëët mye'eymyuky mnajxmuky yë ja'ay ka'apë y'u'unk tyo'oxytyëjk twinkutsë'ëkën.

Levitico 20:10

Ko pën tyajwintsë'këntëkoyëty yë pëjkën ukën ma ja myëku'uk ja tyo'oxytyëjkën, amäjtsk nëjkx y'ooktë, jëtu'un ja ye'etyëjk ets jëtu'un ja to'oxytyëjk.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

2 Crónicas 13:9

¿Ix ja Wintsën ja tyeetytyëjk të xy'ijxwojptaayë, mëti'ipë ja Aarón y'u'unk'ajtyp y'ok'ajtypyën ets ja Leví ja'ayëty? Jëtu'un kë'ëm ja mteetytyëjkëty të xynyikajpxpätë tä wiinkëtypë naax kajpn y'ëtë'ëtstën. Ets ënät m'ëna'antë ko oy pën tyimminëty, miitsëty je'eyëm näkyënu'kxë xypyaata'antë, mëët yë'ë ko tmëminy tu'uk yë tsyajpkaa ets wëxtujk yë tsyajpax, oypyënëty jyëkyejpy tyeety'atëty ma ja wiinkëtypë ja awinaxën mëti'ipë ka'ap Wyintsënëtyën.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Jeremias 16:11

Ënät xy'ëtsowëty: Jëtu'un yë Wintsën y'ënä'äny: Tyaapë paaty jëtu'un jyäty kyëpety jä'ä ko ja m'ap m'okëty ojts xy'ëxmatstës ets ojts ja wiink tios tpanëjkxtëkëtë, yë'ë ojts t'ëwtajtnëtë ets tukwintooynyëtë ja poom; e ëjts jëkäm jëxkë'ëmës ojts xyajwë'ëmnëtë ets ka'ap pën t'ëktuunë ijxtëmës ënäty të ntuk'ënëëmëtën.

Jeremias 16:20

¿Jyëkyejpy yë naaxwiinyëtë ja'ay t'oytyunëty kë'ëm yë tyiosëtyë? Ka'ap tjëkyepy, paaty tääpë awinax ka'ap tyiyëty jyääntyëty.

Lamentaciones 3:42

Ëëtsajtëmë tëë ntuuntëko'oyëmë ets tëë nkäjpxykyumëtoownajxëmë ets mijts ka'ap të mpokymye'kxy.

Job 31:12

Jëtu'un nyäxy tä tu'uk yë patoyë jëënën mëti'ipë nyo'ktëkoopyën winë, mëti'ipë yajkutëkooytyääpyën mëti'ipës nmëët'ajtypyën.

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.