Jeremias 5:6 - Biblia Mixe de Quetzaltepec

⁶ Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Biblia Dc en Mixe de Quetzaltepec

⁶ Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Jeremias 5:6 ပူးပေါင်းရင်းမြစ်များ

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënäty ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

Esdras 10:10

Ënät ja teety Esdras wya'akë'ky ets y'ënëmaayëtë: Miitsëty yë'ë të xytyëko'oyën'atë ko të mpëktë mëët ja to'oxytyëjkëty ka'apë y'Israel ja'ayëtyën, xyajkëjääjëtë jëtu'un ja nëë poky ma Israel ja'ayëtyën.

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Job 10:16

Koos ëjts njajoot'anpëka'any, jëtu'unës xynyipëtë'ëky kaajën ets yë'ëpaat yë mmëjajtën xyaj'ixyë koos xyajkutëkoyä'äny.

Salmos 104:20

Mijts myajtsu'ujëp ets kyootsë, jää yë jëyujk pyëtsëëmta'atë jënu'un yuukjoty tsyëënëtën.

Salmos 80:13

Yë ujts ëtsëm jëtu'unyë tuknuk tukwëtsë ets jëyujk tsajpkaa mëti'ipë ëwa'anëtyën jëtu'unyë t'akääp tukääpëtë.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 59:12

Tëë yajxon mijts nyajjoot'anpëktë, ja nëë poky mëti'ipës të ntuntën jä'äs xëmë ka'ap xyajjotkujk'atë; ëxëëk ëëts të n'ëtë'ëtstë ets tëë mëj këjää ja nëë poky ntuntës.

Jeremias 14:7

Wintsën, yë nnëë npokyëtyës ka'apës xyajjotkujk'atë. Mijts ko mëtëy winë xytyuny paaty yë mxëëw myëjnaxy. Ëëtsëty kanu'umpë npokytyuunëtës ets ko ka'ap myajmëj'ixy ets ka'ap myajwinkutsë'ëkë.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Tios mëti'ipë ijty mtu'uwinwoowëpën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Tios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 25:38

Jëtu'un të tnipëtsëmy ja naax kajpn tä tu'uk kaa pyëtsimyën y'ijtaknjoty ets ëxëëk tuuny ja naax kajpn, jä'ä ko ja Wintsën ja tsyip y'äkë jëënën tsyooypyijky, paaty tyajnaaxkëtäky ja jëën tsip.

Jeremias 30:14

Ja ye'etyëjktëjk mëti'ipë ënäty mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 30:15

¿Wi'ix ko m'ëjy mtu'uky ko të mtsëtyuty? Yë mtsëtyut ka'ap tsyo'oka'any. Mëët ko je'eyë të mtuuntëkoy të mkajpxtëkoy ets nëë poky të xytyuny të xykyäjpxy, paaty jëtu'un nyajjaty.

Jeremias 30:24

Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 49:19

Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënäty të nwin'ixyën. Jä'ä ko ka'ap maa jëtu'unpë Tios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Jeremias 8:7

Yë'ëpaat yë wojny wa'ats nijawë jëna'a kyääkjëtitëtyën. Yë kuuk, yë yo'ktuk joon ets pix nyija'awëtyëp jëna'a muum nyëjkxtëtyën. E mijts naax kajpn mëti'ipës nnaax'ajtyp nkajpn'ajtypyën, ka'ap xynyijawëtë ja n'ënä'äm ntëyajtënës.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Ezequiel 16:25

Maajaty yë tu'u jyëjpkëxyën jam ojts xykyojy kanaak yë tsajptëjk ets ja m'oy'ajt mtsuj'ajtën xyaj'awinpijty ëxëëk tuunk, ko ja mjot mnini'kx xyäky ets xymyo'oy oypyënëty, mëti'ipë tu'uye'epyën, xytyooky jëtu'un ja mjot mnini'kx.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 23:19

E yë'ë ni'ikyë ojts ja jyot nyini'kx tmo'oy oypyënëty, jëtu'un winë tuunë tä y'ëna'k'ajtyën, ko jap tsyënaay Egiptë ma ojts ja jyot nyini'kx oypyënëty, tmo'oyën

Daniel 7:4

Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënäty n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Daniel 7:6

Ja mëtëkëëkpë jëtu'un yaj'ixy poop kaajën, je'eyëp tap taxk tmëëtëty yë kyäkn jëxkë'p; ets të n'ixyës ko nän taxktëm yë kyëpajk ets tëë yajmo'oy yë kutujkën.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Habacuc 1:8

Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Números 32:14

E miits yë mteety mtaak ojts pyokytyuntë, näjyëtu'un tyam winë xytyuna'antë tä yë'ëjëty y'ëtëtstën ets ja Wintsën jatëkok xyajjoot'anpëka'antë ets tukjoot'anpëkëty ja Israel kajpn.

Apocalipsis 13:2

Ya'atë jëyujk mëti'ipës n'ijxën, jëtu'un kyëxë'ëky ijxtëm yë kuuyxyëpëjyën. Jëtu'un ja tyeky ijxtëm ja osë tekyën ets ja y'aaw ijxtëm ja kaa aawën. Ja mëj tsa'any ojts myo'oyë ja mëk'ajtën, ënä'ämtakn ets ja mëjkutujkën.