Jeremias 5:28 - Biblia Mixe de Quetzaltepec

²⁸ je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Biblia Dc en Mixe de Quetzaltepec

²⁸ je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Jeremias 5:28 ပူးပေါင်းရင်းမြစ်များ

Zacarías 7:10

Këtii o'ktëy xytyunëty yë ku'ookytyo'oxy, yë ku'ooky u'unk, yë jaaypyaat jaaypyo'kxy ets ëyoopëja'ay. Këtii yë'ë xymyëmay xymyëtajtëty wi'ix o'ktëy mnätyunëtëty nixim niyam.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Salmos 73:12

Ixtë ya'atë ëxëëk ja'ayëty. Akujk jotkujk yë wyit myeenyëty tyajmëj tyajmayëtë.

Jeremias 7:6

ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Tios tmëpëktën.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Jeremias 2:33

Wa'ats yowë në'ë tu'u xynyija'awëtyääynyë ko xynyitsoony yë ye'etyëjk mëti'ipë mëët mnäpyajëtityën. Yaj'ijxpëjkpën mnajxnë ma ja pokyën.

Salmos 119:70

Yë'ëjëty tëë yë jyot wyinma'any jyo'ptaaynyëtë, e ëjts ntukxoontäkpyës mëti'ipës mijts xytyukni''ijxëpën.

Salmos 72:4

Nyipaye'eyëp ja ëyoopëja'aytyëjk, ets tmo'ojëty ja jotkujk'ajtën ja y'u'unk y'ëna'k ets tukumëtowëty ja ja'ay ja nyëë pyoky mëti'ipë ja myëku'uk tyiytyuunpyën ets wyojpy kyä'tsypyën.

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Tios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Salmos 73:4

Yë'ëjëty ka'ap tmëmay tmëtajtë yë o'kën, jä'ä ko aak'oy aak mëkëty jyä'äy'atë;

Proverbios 15:25

Yë Tios jyijtë'kpy yë jyëën tyëjk yë ja'ay mëti'ipë amëj akëjxm ja'ay'ajtpën, e ma ku'ookytyo'oxy tsyëënën ta'tspëky tyëjk tyaj'ijtë.