Jeremias 5:13 - Biblia Mixe de Quetzaltepec

^13-14 Yë käjpxynyajxpëtëjkëty ko myëtya'aktë jëtu'un tä jeexyë pyojyën, ka'ap Wyintsënëty yajkajpxëtë. E oy ko jyëtu'unëty, ëjts tëëjës xymyëkäjpxy yë Wintsën mëti'ipë maaytyääyëpën winë etsës të xy'ënëëmë: Mëët ko jëtu'un të y'ëna'antë, ya'atë nëjkx jyatëtë kyëpätëtë: Ëjts të ntuknipëjktaakë ets m'aaw m'ayuk jëënyä'änkën pyëtsëmëty m'aawjoty ets naax kajpn jëtu'un y'awinpitëty ja'axyën ets poj'am jyëënmatsëtëty.

Biblia Dc en Mixe de Quetzaltepec

^13-14 Yë käjpxynyajxpëtëjkëty ko myëtya'aktë jëtu'un tä jeexyë pyojyën, ka'ap Wyintsënëty yajkajpxëtë. E oy ko jyëtu'unëty, ëjts tëëjës xymyëkäjpxy yë Wintsën mëti'ipë maaytyääyëpën winë etsës të xy'ënëëmë: Mëët ko jëtu'un të y'ëna'antë, ya'atë nëjkx jyatëtë kyëpätëtë: Ëjts të ntuknipëjktaakë ets m'aaw m'ayuk jëënyä'änkën pyëtsëmëty m'aawjoty ets naax kajpn jëtu'un y'awinpitëty ja'axyën ets poj'am jyëënmatsëtëty.

Jeremias 5:13 ပူးပေါင်းရင်းမြစ်များ

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Job 6:26

Miitsëty wiink xytyijwinpitë ja aaw ayuk mëti'ipës oy të nkäjpxy të nmëtyä'äkyën. Jëtu'un m'ëna'antë ko tsuuwinma'anyës nmëët'ajtyp.

Proverbios 25:14

Jëtu'un tä je'eyë wyintukyën ets pyojyën ets ka'ap maa tuu, jëtu'un ja ja'ay nyäxy mëti'ipë je'eyë winë y'ëwa'anëpën ets ka'ap tii tyäky.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Jeremias 14:13

Ënätës n'ëtsooy: Wintsën, ¿wi'ixën ko jëtu'un m'ëna'any? Yë käjpxynyajxpëtëjkëty jëtu'un y'ëna'antë ko ka'ap jyää'ata'any yë tsip ets yuu, ko mijts myakäämpy ja jotkujk'ajtën mëti'ipë winë xëëw winë kyëjxm ijtpën.

Jeremias 14:15

E ëjts Wintsën, jëtu'unës nyikäjpxy yë käjpxynyajxpëtëjkëty mëti'ipë ënantëpën koos nxëëwkyëjxm winë tnimëtya'aktë ets ka'apës wi'ix n'ënëëmëtë, mëti'ipë ënantëpën ko ka'ap yuu xëëw y'ita'any ets ka'ap tsip y'ita'any ma ya'atë naax kajpnën, tääpë käjpxynyajxpëtëjkëty yuu ets tsip nëjkx yaj'ookëtë.

Jeremias 18:18

Ënät ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 22:22

Paaty ja mkopktëjk jëtu'un jyata'antë tä aay pu'uxm wyimpapojyën ets ja mye'etyëjktëjk tsumy matsy yajmënëjkxa'antë wiink naax wiink kajpn. Wintsëtyu'un jëjptsëtyu'un nëjkx mwë'ëmy mëët ko ënäty ëxëëkpë yi'iyë të xytyuny të xykyäjpxy.

Jeremias 28:3

Kommäjtsk jëmëjt nyajmina'anyës jatëkok yë apëjk atu'unën mëti'ipë yë Nabucodonosor ojts jap tsajptëkoty tmëpëtsëmyën ets ojts tmënëjkxy jam Babilonyë.

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Tios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.