Jeremias 49:8 - Biblia Mixe de Quetzaltepec

⁸ Miitsëty Dedán ja'ayëty, nëjkx mnäyu'utsëtë. Jä'ä ko nyajkutëkoyäämpyës yë Esaú kajpn; tëë tpaaty ja xëëw po'o jëna'ajës ntëytyuna'anyën.

Biblia Dc en Mixe de Quetzaltepec

⁸ Miitsëty Dedán ja'ayëty, nëjkx mnäyu'utsëtë. Jä'ä ko nyajkutëkoyäämpyës yë Esaú kajpn; tëë tpaaty ja xëëw po'o jëna'ajës ntëytyuna'anyën.

Jeremias 49:8 ပူးပေါင်းရင်းမြစ်များ

Jeremias 25:23

yë Dedán ja'ayëty, Temá ja'ayëty, Buz ja'ayëty ets ja kajpn ma ja ja'ay nyäy'awaayjyäpëtën,

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Jeremias 49:30

Pëtsëmtë pëyi'ikyë Hasor ja'ayëty. Nëjkx mnäyu'utsëtë. Ëjts Wintsën, ëjts ënaanp. Yë Nabucodonosor, Babilonyë yajkutujkpë, tëë tuknipëjktaakë ko myajkutëkoya'anëtë.

Isaías 21:13

Ma yaj'akäjpxyën tii tunan jatanëpën jam Arabië. Jam ja Dedán ja'ayëty tyu'uma'atë ujtsjotm,

Apocalipsis 6:15

Ja yajkutujkpëtëjk, ja wintsëntëjk, ja tsiptuunpëtëjk, ja kumeenyjyä'äytyëjk, ja kopktëjk, ja mëtuunpëtëjk ets ja yajmëtuunpëtëjk; je'eyë ja nyäyu'tstaayëtë aankjoty ets tsaajutjoty,

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 49:32

Mä'tsta'atë yë jyëyujk jëku'uxëty ets tsyajpkaajëty. N'awojpwa'kxäämpyës xiitsow yaatsow tääpë ja'ayëty mëti'ipë tyatsk waay jyäjptëpën; xiitsow yaatsowës ntuknitsoona'antë ja ëyo'on jotmay. Ëjts Wintsën, ëjts ënaanp.

Jeremias 48:44

Mëti'ipë ënäty kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënäty jutjoty pëtsëëmpën, jam nëjkx nyaskääkë ma yajxokyën, jä'ä koos ënäty jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Jeremias 48:28

Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Jeremias 48:6

Kä'äktë. Wä'än tke'eky pën jyëkyejpyën kyä'äkëty. Jëtu'un mnäpyëjkta'akëtëty tä yë zarsa aatsën jampë wintë'ëtstum yajpaatyën.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Isaías 2:21

Jap muum tsaajutjoty, tsajpkëkjoty nëjkxëp ja ja'ay nyäy'atijëtë, jap nyäyu'utsëtëty ko ënäty ja Wintsën ja ëyo'on tyajminy tyajkëtä'äky naaxwiiny naaxkëjxy.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.

Jueces 6:2

E jä'ä ko yë Madián ja'ayëty ëxëëk ënäty tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Ezequiel 25:13

Paaty ëjts maas nWintsën'atyën n'ëna'any, ëjts Wintsën: Nnipëtë'ëkäämpyës yë Edom ja'ay ets nyajkutëkoyä'änyës tëkokyë yë ye'etyëjktëjk ets jyëyujk tsyajpkaajëty. Axit ako'owës ntuunta'aja'any yë nyaax kyajpnëty. Tsyo'onta'akëty jam Temán ets jyëjpkëxëty jam Dedán, aak kupuxy y'o'kta'aja'antë.

Malaquías 1:3

n'ëxëëk ijxës yë Esaú. Ja nyaax kyajpn ja Esaú, mëti'ipë ënäty kopkjotmën, aanë'ëk tëëtsë'ëkës ojts nyaj'awinpity ets ja nyaax kyam mëti'ipë ënäty myëët'ajtypyën yi'iyë jëyujk ëwa'anëtypë jam tënääpy.

Malaquías 1:4

Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.