Jeremias 48:40 - Biblia Mixe de Quetzaltepec

⁴⁰ Jëtu'un yë Wintsën y'ënä'äny: Jëtu'un yë Moab yë myëtsip të nyiminyë käknmëët yowë, tä tu'uk witsnën.

Biblia Dc en Mixe de Quetzaltepec

⁴⁰ Jëtu'un yë Wintsën y'ënä'äny: Jëtu'un yë Moab yë myëtsip të nyiminyë käknmëët yowë, tä tu'uk witsnën.

Jeremias 48:40 ပူးပေါင်းရင်းမြစ်များ

Isaías 8:8

Jëtu'un jam Judá jya'ta'any, tyimku'tëty jëtu'un yo'kntuuy. Ets nyäwya'kxa'anyë ets tyajwintujktaja'any ja mnaax mkam, Emanuel.

Deuteronomio 28:49

Jëkäm yë Tios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Jeremias 49:22

Jëtu'un nëjkx ja mëtsip tukja'ty ja Bosrá kajpn tä tu'uk witsnën mëti'ipë kyäkn xyajtëëpyën, jä'ä xëëw ja ja'ayëty mëti'ipë ënäty tsip'ixyëtyën jëtu'un nëjkx ja pëjkën ato'onën tyajnaxtë tä to'oxytyëjk u'unk maay tyajmina'anyën naaxwiiny.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Ezequiel 17:3

Jëtu'un xy'ënëëmëty: Jëtu'un yë Wintsën y'ënä'äny: Tëë tu'uk yë witsn jyä'ty jam Líbano; janty mëj kyäkn ets nëkooyë muum jya'ajnë, kanaak ujkën yë jyëmk. Jam të wya'ak'oyë ma tu'uk yë ajë kepykyopkën,

Habacuc 1:8

Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Daniel 7:4

Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënäty n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Lamentaciones 4:19

Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Proverbios 30:19

Ja në'ë tu'u mëti'ipë pyaye'epyën yë witsn ko kyääkjëtity tsajpkëjxm, yë në'ë tu'u mëti'ipë yë tsa'any ye'epyën tsaajoty, yë në'ë tu'u mëti'ipë pyanëjkxypyën tu'uk yë kepy nyëë winye'epyë nëëwiinkëjxy ets ja në'ë tu'u mëti'ipë ja naaxwiinyëtë ja'ay ye'epyën ko tninëjkxy ja to'oxytyëjk.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.