Jeremias 48:36 - Biblia Mixe de Quetzaltepec

³⁶ Nmëmoompy nmëtujkpyës yë Moab ja'ayëty ets Quir-heres ja'ayëty, paatyës ntukwinxu'uxy yë tsajpkäpny xuxn, jä'ä ko tëë tyëkooytyä'äy ja wit meeny mëti'ipë të tjanipëjkpätën.

Biblia Dc en Mixe de Quetzaltepec

³⁶ Nmëmoompy nmëtujkpyës yë Moab ja'ayëty ets Quir-heres ja'ayëty, paatyës ntukwinxu'uxy yë tsajpkäpny xuxn, jä'ä ko tëë tyëkooytyä'äy ja wit meeny mëti'ipë të tjanipëjkpätën.

Jeremias 48:36 ပူးပေါင်းရင်းမြစ်များ

Isaías 15:7

Paaty ja ja'ayëty mëti'ipë näjyëjp'ijxëtëp wiinktsow tmënëjkxta'atë ja wyit myeenyëty ets ja pyëjktä'äkyëty, myëninajxtëp jam ma wokjot txëëwatyën Álamos.

Isaías 16:11

Jëtu'unës yë njot nwinma'any tsyëtyuy tä tu'uk yë kow y'ënaankëtä'äkyën mëët ko ja Moab ets ja Quir-haréset o'ktëy jyatë kyëpätë.

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënäty yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Proverbios 18:11

Yë kumeenyjyä'äy jëtu'un tjawë yë wyit myeeny tä tu'uk yë mëjpotsyën mëti'ipë naax kajpn kyuwäänpyën.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Proverbios 11:4

Yë wit meeny nijënu'un kyatuna'any ko ënäty ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

2 Reyes 3:25

Ojts ja naax kajpn tyaj'atëkoytyë, ojts ja naax kamtëjk tsaawinko'owëtya'atë; ja nëëjut ojts naaxtukko'owëtë ets ja nëëwooky ets ja aay kepy ujts mëti'ipë ja tyëëm yajë'kxpën wa'ats tpujxkëtaawtaaytyë. Yi'iyë ojts ka'ap tyajkutëkoytyë ja kajpn mëti'ipë xyëëwajtypyën Quir-haréset. Je'eyëp ko ja ja'ayëty myiintë mëti'ipë myëtsiptuuntëpën ja tsaawëtu'un tä tyajnatujktë ets ja kajpn tmëmëtaktë.

Jeremias 48:31

paatykyëjxmës nnijë'ëja'any nniya'axa'any yë Moab ja'ayëty ets Quir-heres ja'ayëty, jä'ä ko ëxëëk jyata'antë.