Jeremias 48:15 - Biblia Mixe de Quetzaltepec

¹⁵ Tää tyimwinkony mëti'ipë ja Moab ja'ay yajkutëkoyanëtëpën ets ja nyaax kyajpnëty; yë'ëpaat y'o'kta'aja'antë yä'äy ëna'k mëti'ipë je'eyë juuky'ajtso'ontëpnën. Yë'ë jëtu'un ënaanp yë Wintsën Yajkutujkpë mëti'ipë maaytyääyëpën winë.

Biblia Dc en Mixe de Quetzaltepec

¹⁵ Tää tyimwinkony mëti'ipë ja Moab ja'ay yajkutëkoyanëtëpën ets ja nyaax kyajpnëty; yë'ëpaat y'o'kta'aja'antë yä'äy ëna'k mëti'ipë je'eyë juuky'ajtso'ontëpnën. Yë'ë jëtu'un ënaanp yë Wintsën Yajkutujkpë mëti'ipë maaytyääyëpën winë.

Jeremias 48:15 ပူးပေါင်းရင်းမြစ်များ

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 46:18

Ëjts mëti'ipë yajkutujkpën, yë Wintsën mëti'ipë maaytyääyëpën winë, nkë'ëmjuukyajtënës ntukajpxpejtyp: Jëtu'un tä yë Tabor kopk ni'ik këjxm yaj'ixyën kopkjoty, tä yë Carmel kopk mejy'ëkë'ëmpë yaj'ixyën jëkämpaat, jëtu'un ja mmëtsip yaj'ixa'any mëti'ipë mniminanëpën.

Jeremias 51:57

Yë Yajkutujkpë, yë Wintsën mëti'ipë maaytyääyëpën winë, jëtu'un y'ënä'äny: Nyajmukpëkäämpyës yë wintsëntëjkëty mëti'ipë jam Babilonyë yajpatëpën, näjyëtu'un yë wyintsëntëjkëty, y'ënä'ämpëtëjkëty ets tsyiptuunpëtëjkëty; jëtu'un jyajta'aja'antë tä jeexyë myaanaxtën ets ka'ap y'ëkwijnëtëty.

Malaquías 1:14

Poky yë ja'ay wyi'imy, mëti'ipë ënaanpën ko oypyë jëyujk xytyukwintsë'ëkëja'anyës ets jä'ä xytyukwintsë'këpës mëti'ipë ka'ap y'oyëtyën myëkëtyën. Ëjts yajkutujkpë'ajtp ets aak xytsyë'këpës yë naax kajpn. Jëtu'un y'ënä'äny yë Wintsën mëti'ipë maaytyääyëpën winë.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Jeremias 51:40

Etsës ok nmënëkxa'any ma o'ktaknën, ijxtëm yë kupixyny ayääkë ets tsajppax ayääkë yajmënëjkxtën ma y'o'ktaknën.

Jeremias 48:4

Xit ko'ow ja Moab të jyäty; ja jyi'iyën yaxënëty jampaat Soar yajmëtoownë.

Salmos 47:2

Jä'ä ko yë Wintsën, Ni'ik Këjxmëpë, atsë'ëk ajawë yë'ë, yajkutujkpë y'ity naaxwiinyëtë apëtsëmy.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënäty mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.