Jeremias 48:12 - Biblia Mixe de Quetzaltepec

¹² E yë Wintsën jëtu'un y'ënä'äny: Ko ja'taanp ja nyixëëw nyipo'o jëna'a nëjkx wiink ja'ay myinyën ets nëjkx täämnaxy tääpë tsatym nyëë ma wiinkëtypë tu'tsën, ja tu'ts tukwa'atsëtypë nëjkxëp yajtukpu'ujëtya'atë.

Biblia Dc en Mixe de Quetzaltepec

¹² E yë Wintsën jëtu'un y'ënä'äny: Ko ja'taanp ja nyixëëw nyipo'o jëna'a nëjkx wiink ja'ay myinyën ets nëjkx täämnaxy tääpë tsatym nyëë ma wiinkëtypë tu'tsën, ja tu'ts tukwa'atsëtypë nëjkxëp yajtukpu'ujëtya'atë.

Jeremias 48:12 ပူးပေါင်းရင်းမြစ်များ

Nahúm 2:2

Jä'ä ko yë Wintsën yajjotkujkta'akäämpy jatëkok yë Jacob, mëti'ipë yë Israel mëj'äämpy yajnajxëpën ets jatëkok jotkujk tyaj'awinpita'any tä ijty tëëyëpën ma ënäty ka'anëm jëtu'un jyätynyëmën tä yë tsatym kyepyën tëëpë xye'enty yajnëwäjxta'ayën.

Jeremias 48:38

Ma ja tëjk kopkën ets në'ëjoty tu'ujoty jam Moab, aak jëëy aak yaxtëp yë ja'ayëty, jä'ä ko yë Moab piw nuuk të ntuunta'ayës jëtu'un tä ja'ay tu'ts tukpu'ujën mëti'ipë ka'ap y'ëktuunën. Ëjts Wintsën, ëjts ënaanp.

Isaías 30:14

jëtu'un nëjkx mjatë tä ja'ay tu'ts tukpu'ujën, mëti'ipë jëtu'unyë xijtëëpën ets tyëkooytyä'äy, nimaa tu'ts apu'uk kyawë'ëmy mëti'ipë jeexyë jëënpajk yajtukjä'äpë'kpën ëkë mëti'ipë jeexyë nëë jaakyajtukju'tpën.

Salmos 2:9

Mëët yë mpujxn ntajk nëjkx xyajkutëkoy ja yajkutujkpëtëjk mëti'ipë y'ënä'ämtëpën ja naax kajpn. Piw nuuk xytyuna'any jëtu'un tä naaxtu'ts jyätyën ko pyu'uy.

Jeremias 48:15

Tää tyimwinkony mëti'ipë ja Moab ja'ay yajkutëkoyanëtëpën ets ja nyaax kyajpnëty; yë'ëpaat y'o'kta'aja'antë yä'äy ëna'k mëti'ipë je'eyë juuky'ajtso'ontëpnën. Yë'ë jëtu'un ënaanp yë Wintsën Yajkutujkpë mëti'ipë maaytyääyëpën winë.

Jeremias 48:11

Yë Moab ja'ayëty jotkujk xëmë të jyuuky'atë, nijëna'a muum të kyanëjkxtë tsum matsy wiink naax wiink kajpn. Jëtu'un tä tu'uk yë tsatym nyëë tëëpë nyimaanaxyën tu'tsjotypë y'ityën ets ka'ap ëpëky yajtäämnaxy wiink tu'tsjoty, xëmë xu'kx jyawë ets pa'ak xëmë y'ity.

Jeremias 48:8

Itaanp ja o'kën tëko'oyën ma kajpnën, ni pën kyatso'oka'any; ja tun kopk xit ko'ow jyajta'aja'any. Ëjts Wintsën, ëjts ënaanp.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 19:10

Ko ënäty jëtu'un të m'ëna'any, ënät nëjkx xytyukpu'ujë ja tu'ts ma ja ja'ay t'ixtëtyën mëti'ipë mjämyëët'ajtëpën

Jeremias 14:3

Ja kume'enyjyä'äytyëjkëty jyakäjxtëp ja tyuunpë nëëwijtspë; tääts jam nyëjkxtë ma nëë nyipetyën, je'eyëp ko ka'ap ja nëë tpaatë, tukwa'ats jatëkok tmëwinpitë ja nyëë apëjkënëty, ëxëëk nyäyjyawëtë ets tsëtyuuntëp.

Isaías 16:2

Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Jeremias 48:13

Jää nëjkx ja Moab nyäjya'awëpyäätyë ko kajtëm ja wyintsën Quemós të pyutëkëty ijxtëm jyapaatë'atyën, jëtu'un ijxtëm yë Israel ja'ayëty ojts nyäjyawëtën ko ja tios Betel ka'ap pyutëjkëyëtë, mëti'ipë ënäty xëmë të tuk'ijxpätën.