Jeremias 48:10 - Biblia Mixe de Quetzaltepec

¹⁰ Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

Biblia Dc en Mixe de Quetzaltepec

¹⁰ Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

Jeremias 48:10 ပူးပေါင်းရင်းမြစ်များ

1 Reyes 20:42

Ënät ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënäty ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Tios ojts tjani'ënä'ämën.

2 Reyes 13:19

Ënät ja käjpxynyajxpë ojts jyoot'anpëky ets y'ënëmaayë: Kooxyëp jeexyë yë naax të xykyojxyu'kxy mëkoxk tëtujk'okën, mëmëtäkpy jeexyë yë sirië ja'ayëty ets koonëm jeexyë xyajkutëkooytyä'äy; e tyam je'eyë nëjkx xymyëmëtä'äky tëkëëk'ok.

1 Samuel 15:9

E ja Saúl mëët ja tsyiptuunpëtëjk kajts tyaj'o'ktë ja Agag ets näy ka'ap tyaj'o'ktë ja oyjyätypë ja kupixyny ets ja tsajpkaajëty. Yi'iyë yajkutëkooytyë ka'apë ënäty nëkooyë tsyoowpaatyën ets ka'apë mëk tyunyën.

Jeremias 50:25

Jëtu'un yë Wintsën të tyajni'ëwa'atsy yë tsyip y'äkë, tä jeexyë yë pyujxn ets tyi'pxn të tyajni'ëwa'atsyën ma y'ityën pëjkë'ëky mëti'ipë myëtsiptuunpyën, jä'ä ko yë Wintsën myëët'ajtyp tu'uk yë tuunk mëti'ipë yaj'apaatëjäämpyën ma Caldeo ja'ayëtyën.

Jeremias 47:6

¿Jëna'a jyëjpkëxanë ya'atë ëyo'on jotmay ma ja tëypyujxn yaja'ay'ookyën? Wä'än tyajpëjkë'ëky tääpë tëypyujxn, wä'än tu'k'ityë twë'ëmy.

1 Reyes 20:39

Ets ko jam nyäjxy ja yajkutujkpë, ënät ja Wintsën ja myëtuunpë mëk yujk'ënany: Yajkutujkpë, mijts yam n'ënëmääpy, ko jamës të nyajpaaty jëjp'am ma ja tsip të tyunyën, e jam ma ja tsiptuunpë jam të yajpaatën, jam tu'uk të pyëtsimy ja ja'ay mëti'ipës të xytyukniminyën tu'uk yë tsumjyä'äy. Etsës të xy'ënëëmë koos nkëwen'atëty tääpë tsumjyä'äy, e pën nyajkekpyës, ëjtsëk n'ëtsoowinpitëp mëët ja nkë'ëmjuukyajtënës, ëkë pën kajts n'ooka'anyës jyëkyejpy näjyuuypëtsëmëtëtyës mëët ja poop pujxn meeny tëkëëk mil

1 Reyes 20:40

E ëjts jä'ä ko tamës ënäty wiinkpë ja ntuunk, täätsës ja tsumjyä'äy të xykyuke'eky. E ja yajkutujkpë jampë y'ëne'emyën Israel, tyaa y'ëtsoowë: Mijts kë'ëm yam ja mpoky të xynyikäjpxy ets kë'ëm jëtu'un ja tëytyu'unën të mnätyuknikäjpxyë.

Jeremias 11:3

ets xy'ënëëmëty ko ëjts mëti'ipë Wintsën'ajtpën, yë Israel ja'ayëty yë Tyios, jëtu'un y'ënä'äny: Poky yë ja'ay mëti'ipë ka'ap tpatunyën yë käjpxytyu'unën.

Jeremias 47:7

¿E wi'ix tu'k'ityë wyë'ëmëty pën yë Wintsën të y'ëne'emyë? Yë'ë të tyuknipëkyë ets tyuuntëkoyëty jam ma Ascalón kajpnën ets jampaat ma mejypya'ajën.

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Josue 10:19

E miitsëty këtii nëkoo mpo'oxtë, panëjkxtë yë mëtsipëty ets jëxkë'ptsow xytyu'u'ëtuktëty. Këtii ni pën xy'ëkyajwinpijnëtëty ma kyajpnën. Jä'ä ko yë Wintsën mëti'ipë miits mTiosajtëpën tëë kyë'ëyakëtë ma miitsëtyën.