Jeremias 45:5 - Biblia Mixe de Quetzaltepec

⁵ ¿M'amëtowäämpy mëti'ipë mëpaat mëjwiin këjää xytyukjotkujk'atyënë? Pën jëtu'un, këtii nëkoo xy'amëtowëty, jä'ä ko ëjts ëyo'on jotmayës je'eyë nkäxäämpy ma naaxwiinyëtë ja'ayën. E mijts ka'ap wi'ix yë mjuukyajtën jyata'any, oy maa mnëjkxëty. Ëjts mëti'ipë Wintsën'ajtpën, ëjts ënaanp.

Biblia Dc en Mixe de Quetzaltepec

⁵ ¿M'amëtowäämpy mëti'ipë mëpaat mëjwiin këjää xytyukjotkujk'atyënë? Pën jëtu'un, këtii nëkoo xy'amëtowëty, jä'ä ko ëjts ëyo'on jotmayës je'eyë nkäxäämpy ma naaxwiinyëtë ja'ayën. E mijts ka'ap wi'ix yë mjuukyajtën jyata'any, oy maa mnëjkxëty. Ëjts mëti'ipë Wintsën'ajtpën, ëjts ënaanp.

Jeremias 45:5 ပူးပေါင်းရင်းမြစ်များ

Jeremias 39:18

Ëjts mijts nyajtso'okäämpy këtiipë pën myaj'ookëtëty, mjaakwë'ëmëp mijts juuky, jä'ä ko tëëjës xytyuk'ijxpety. Ëjts Wintsën, ëjts ënaanp.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Jeremias 21:9

Ja ja'ayëty mëti'ipë wë'ëmtëpën kajpnjoty, jëën tsip, yuu ets pa'am ëyo'on nëjkx yaj'ookëtë. E mëti'ipë tso'ontëpën yaa kajpnjoty ets nyäkyë'ëyakëtë ma ja Caldeo ja'ayëtyën mëti'ipë të mnipëtë'ëkëtën, ka'ap y'ooka'antë, oy ënäty y'ëkyajmënëjkxtë tsumy matsy.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Jeremias 25:26

yë yajkutujkpëtëjk mëti'ipë jam anëkëjxmtsow yajpatëpën, mëti'ipë nämyëwinkon'ajtëtëpën, mëti'ipë nämyëjëkäm'ajtëtëpën; tu'kë'ëyë ja wiink naax wiink kajpn ma y'ityën ënä'ämën kutujkën. Ets tukjëjpkëxëty yë Babilonyë yajkutujkpë.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Jeremias 38:2

Jëtu'un yë Wintsën y'ënä'äny: Mëti'ipë wë'ëmtëpën kajpnjoty, yë'ë nëjkx yaj'ookëtë jëën tsip, yuu xëëw ets pa'am ëyo'on. E mëti'ipë näkyë'ëyajkëtëpën ma Caldeo ja'ayëtyën, tämyëm jyaakwë'ëmtëty juuky.

2 Reyes 5:26

Tä ja Elisejë nyëmaay'ëtëtsë: Ko tu'uk yë ja'ay të tukjënäky yë pyujxnwintëkäämpë ets të mjëjpye'eyi'ikyë, ëjts tamës ënäty mëët mijts nyajpaaty winma'anyjoty. Je'eyëp ko tyam ka'ap tnixëëwëty ets ja wit meeny yë'ë y'ëktimyaj'ëxajëty ëkë ja wit tujkxy, ëkë ets ënät nju'uymyëty nkëpäjtmëty ja naax kam tsatymkyam, ëkë kupixyny ëkë jëyujk tsajpkaa, ëkë tuunpë ëyoopë ye'etyëjkpë to'oxytyëjkpë.

Génesis 6:12

Jä'ä ko ja naaxwiinyëtë ja'ayëty tëë ënäty wyinma'anytyëkoytyë. Ko ja Tios t'ijxy ko yaa naaxwiiny naaxkëjxy mëj këjää ënäty ja ja'ay pyokytyuunë.

Isaías 66:16

Yë Wintsën, jëën yajtunäämpy ko ënäty tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

1 Reyes 3:11

paaty t'ënëmaay: Mëët koos të xy'amëtoy të xypyëjktsoy ya'atë ets ka'ap yë'ëjëty ja yenyjyuukyajtën, ëkë ja wit meeny, ëkë ma ja mëtsip y'ookëty tyëkoyëtyën, ni'ikyë të xy'amëtoy ja wijy'ajtën kujk'ajtën wi'ix winë xymyëtoow'itëtyën ets wi'ix m'ënä'ämëtyën,

Salmos 131:1

Wintsën, yë njot nwinma'anyës ka'ap nyäyajnaxyë amëj akëjxm, ets ka'ap në'ix pa'at'ix nja'ay'ätyës, ni yë'ëjës nka''atsoky yë jot winma'any mëjpë këjääpë mëti'ipës ka'ap n'a'ixë npaatëtyën.

Jeremias 25:31

Koos nkajpxëty, jëtu'un yajmëtowa'any tä ënääwën mëti'ipë naaxwiinyëtë apëtsëmy yajmëtoopën, jä'ä ko yë Wintsën pyaye'eyäämpy ja nëë poky mëti'ipë të tuntën ja naax kajpn, wa'ats tmëkajpxta'aja'any ja naaxwiinyëtë ja'ay ets tyajkutuka'any wä'än t'o'kta'atë ja ëxëëkja'aytyëjk. Yë Wintsën jëtu'un ënaanp.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Jeremias 25:16

Ko ënäty t'uuktë, jëtu'un y'ëtë'ëtsa'antë tä ja'akyupojën mëët ko ënäty ja jëën tsip tyunyë mëti'ipës ntuknikäxantëpën.