Jeremias 43:6 - Biblia Mixe de Quetzaltepec

⁶ ye'etyëjk to'oxytyëjk, mëj mutsk, ja yajkutujkpë ja nyëëxëty ets nitëkokyë ja ja'ayëty mëti'ipë ënäty ja Nebuzaradán, tsiptuunpë wintsën të tuknipëkyën ja Guedalías ets mëët tyuunmukëty, yë'ëpaat yë Jeremías ets Baruc.

Biblia Dc en Mixe de Quetzaltepec

⁶ ye'etyëjk to'oxytyëjk, mëj mutsk, ja yajkutujkpë ja nyëëxëty ets nitëkokyë ja ja'ayëty mëti'ipë ënety ja Nebuzaradán, tsiptuunpë wintsën të tuknipëkyën ja Guedalías ets mëët tyuunmukëty, yë'ëpaat yë Jeremías ets Baruc.

Jeremias 43:6 ပူးပေါင်းရင်းမြစ်များ

Jeremias 39:10

Yi'iyë ojts tyajwë'ëmy ma Judá y'itjotmën yë ëyoopëja'aytyëjk ets mëti'ipë ka'ap tiituunk tmëët'atën. Jä'ä xëëw yajmooytyë ja tsatsymkyam ets ja naax kam ma yu'utëty tyuntëtyën.

Jeremias 40:7

Ko tnija'awëtyë yë tsiptuunpë wintsën ets tsiptuunpëtëjkëty, jutiiyë ja'ayëty mëti'ipë ënäty juuky të wyë'ëmtën, ko ja Babilonyë yajkutujkpë të tpëjktä'äky yë Guedalías, yë Ahicam yë myaank ets yajkutukëty ma ja ëyoopëja'ayëtyën, ye'etyëjkpë, to'oxytyëjk ets pi'k ëna'k, mëti'ipë ënäty ka'ap të yajmënëjkxtën jam Babilonyë,

Lamentaciones 3:1

Ëjts tëëjës njawë yë ëyo'on jotmay, ko Wintsën të jyoot'anpëky.

Jeremias 41:10

Ojts yë Ismael tmajtsmujkta'ay ja to'oxy'ëna'k mëti'ipë yajkutujkpë nyëëx'ajtypyën ets ja ja'ayëty mëti'ipë jam yajpatëpën Mispá, mëti'ipë ja Nebuzaradán, tsiptuunpë wintsën të tmo'oyën yë Guedalías ets yë'ë mëët y'itëty. Ojts yë Ismael tmajtsmujkta'ay ja ja'ay ets tsyo'ony. Jam ënäty të tuknipëjktaakë jyata'any ma ja Amón nyaaxjotmën.

Jeremias 52:10

mëët yë y'u'unk y'ëna'k ets wyintsëntëjk, jampë Judá kyukajpn'atën, ets yajyo'kpuxtëty yë'ë wyintuuy.

Juan 21:18

Tëy mijts t'ënëëmë, ko ijty m'ëna'k'aty, kë'ëm ijty mnäxyoxyë ko muum mnëjkxa'any; e ko nëjkx mmëjja'ayënë mxajwa'kxëp yë mkë'ë ets wiinkpë mxoxëtëty ets myajnëjkxëtëty ma ka'ap xytsyokyën.

Jeremias 38:22

tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Jeremias 43:3

Yë Baruc, yë Nerías yë myaank, yë'ë të m'ënë'ëmxëty ets mijts tëkatsy winë xynyimëtya'akëty ma ëëtsëtyën, jëtu'un yë'ë myëta'akëty etsës xyaj'ook xyajtëkoytyëty ets xymyënëjkxtëtyës tsumy matsy jam Babilonyë.

Jeremias 45:1

Ma ënäty taxk jëmëjt y'apetyën ma yajkutukyën ja Joaquim, Josías yë myaank mëti'ipë ënä'ämpën jam Judá, yë Baruc, yë Nerías yë myaank yë'ë ënäty jam kyëxjääpy tëkokyë mëti'ipë yë Jeremías nyikäjpxypën. Ënät ja Jeremías t'ënëmaay ja Baruc:

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënäty yë yajkutujkpë të tpëjktä'äky yë Guedalías jam ënä'ämpë.