Jeremias 43:10 - Biblia Mixe de Quetzaltepec

¹⁰ ets xy'ënëëmëtëty: Yë Wintsën, mëti'ipë maaytyääyëtëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Yë'ëjës nyajminäämpy yë ntuunpës Babilonyë yajkutujkpën ets y'ënä'ämtakn npëjkta'akanës ma yaa tsaa nitajy y'ityën.

Biblia Dc en Mixe de Quetzaltepec

¹⁰ ets xy'ënëëmëtëty: Yë Wintsën, mëti'ipë maaytyääyëtëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Yë'ëjës nyajminäämpy yë ntuunpës Babilonyë yajkutujkpën ets y'ënä'ämtakn npëjkta'akanës ma yaa tsaa nitajy y'ityën.

Jeremias 43:10 ပူးပေါင်းရင်းမြစ်များ

Jeremias 1:15

Ëjts mëti'ipë Wintsën'ajtpën, yajxon ntimy'ënëëmëtë ko nmëkajpxta'ajäämpyës nitëkokyë yë yajkutujkpëtëjk mëti'ipë jamtsow anëkëjxmtsow ënä'ämtëpën ets myiinta'atëty ets nëjkx jam tpëjktakta'atë yë kyutujktakn maajaty nyäxyën yë potsy mëti'ipë yë Jerusalén kajpn nyapots'ajtypyën ets maajaty ja Judá kajpnën.

Isaías 44:28

Jëtu'unës n'ënëëmë yë Ciro: Tyampaat ka'ap ënäty maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Salmos 31:20

Mëët ko mijts xypyëjk'ity xymyajts'ity, ka'ap nitii jyätyë oy wi'ix yë ëxëëkja'aytyëjk jyanimay jyanitajëty; jap xykëwent'aty, ma mtëjkën oy myëtsiptëjk jyatukyä'äxy jyatukjokyë.

Salmos 27:5

Ko ënäty jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Salmos 18:11

Yë'ë të nyätyukyu'utsyë ets të nyätyuk'apëjktukyë yë yëkyoots ets nëma'a mëti'ipë nëëmëëtën.

Mateo 22:7

Ënät ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

1 Reyes 20:16

Kujkxyëëw ojts tsyoontë, tam ënäty ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënäty jam të tkojtën,

1 Reyes 20:12

Ko ja Ben-adad ojts yajmo'oy ja kajpxwinpijtën, ukp ënäty jam mëët ja myëku'uktëjk mëti'ipë näjyëtu'un yajkutujktëpën, jam ënäty pyo'kxtë pyëktë ma ja tëjk oywyi'ix të tkojtën. Ënät t'ënëmaay ja tsyiptuunpëtëjk: Nipëtë'ëktë. Ënät poj'am tnipëjktakëtë ets tnipëtë'ëka'antë ja kajpn.

Isaías 45:1

Ojts yë Wintsën tkënu'kxy yë Ciro ets yajkutukëty, kyë'ëkëjxy twijtsë'ky ets yajkutukëty ma ja naax kajpnën ets tpëjkëtya'ajëty ja yajkutujkpëtëjk mëti'ipë myëtsiptuuntëpën. Yë Wintsën ojts tyajkutuky ets tëjk'aaw y'ëwa'atsëty maajaty nyäxyën ma ja naax kajpnën ets ni pën kyamayëtëty tyaj'ëtukëty ja tëjk'aaw. Ets jëtu'un t'ënëmaay:

Jeremias 43:9

Koonmuk mëjpë tsaa ets ni'ëmukë Judá ja'ay xytyuk'ixëty ko ënäty xynyaaxnitajy jam ma kutujktakn nyitëjk'aaw yajnitëkën,

Jeremias 46:13

Ënät ja Wintsën ojts tmëkäjpxy ja Jeremías käjpxynyajxpë ma ënäty ja Nabucodonosor, Babilonyë yajkutujkpë tninëjkxyën ja Egiptë kajpn ets tnitëkëja'any:

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënäty të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Jeremias 49:38

Jam Elám jamës nëjkx yë nkutujktakn npëjktä'äky, ja yajkutujkpëtëjk ets ja ënä'ämpëtëjkëty wa'atsës nëjkx nyaj'o'kta'ay. Ëjts Wintsën, ëjts ënaanp.