Jeremias 42:14 - Biblia Mixe de Quetzaltepec

¹⁴ ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Biblia Dc en Mixe de Quetzaltepec

¹⁴ ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Jeremias 42:14 ပူးပေါင်းရင်းမြစ်များ

Jeremias 41:17

Jam tsyo'ontë ets jyajtë Guerut-quimam, winkon ma mëët yë Belén nyäpyäätyë, jam ojts wäänë pyo'kxtë. Jap ënäty të tnipëjktaakëtë jya'ta'antë Egiptë;

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

Jeremias 4:21

¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Jeremias 43:7

Ojts ja Wintsën tkäjpxykyutëjtë, ni'ëmukë nyëjkxtaaytyë jap Egiptë ets jyajtë jam ma tu'uk kajpn txëëwatyën Tafnes.

Isaías 30:16

je'eyë të m'ëna'antë: Nikë oy ntimkyäkmëty, kwaaykyijxy nkäkmëty. Oy, kä'äktë. Tëë m'ëna'antë: Yë'ë ntukäkmëp kepy wintëkäämpë mëti'ipë mëk pëyë'kpën. Je'eyëp ko ja mmëtsipëty mëk ni'ik pyëyë'ëktë poj'am nëjkx mnajtspaatëtë.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënäty miitsëty wi'ix mjatë mkëpätë.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Éxodo 17:3

Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 14:4

Ets nyäy'ënëmaayëtë: Tsojk tu'uk yë kutuunk npëjktakëmë, mëti'ipë xywyinye'eymyëpën ets nwinpijtmëty Egiptë.

Deuteronomio 17:16

Ja ja'ay mëti'ipë ënäty ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Isaías 30:2

Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.