Jeremias 41:7 - Biblia Mixe de Quetzaltepec

⁷ Je'eyë ko tam ënäty tyimja'ajnëtë kajpn itkujky ko yë Ismael ets jyä'äy tyaj'o'ktaaytyë ja ja'ayëty, ja o'kpë jap tkujëpijpytyääytyë nëëjutjoty

Biblia Dc en Mixe de Quetzaltepec

⁷ Je'eyë ko tam ënety tyimja'ajnëtë kajpn itkujky ko yë Ismael ets jyä'äy tyaj'o'ktaaytyë ja ja'ayëty, ja o'kpë jap tkujëpijpytyääytyë nëëjutjoty

Jeremias 41:7 ပူးပေါင်းရင်းမြစ်များ

2 Reyes 15:25

E jamts ënäty tu'uk ja tyuunpë mëti'ipë xyëëwajtypyën Peka, yë myaank yë Remalías, yë'ë ojts nyikäjpxytyunëty ets mëët nyäpyëjk nyämyajtsë yë Galaad ja'ayëty; ënät tukja'ajtë ma ja kutujkëntëjkën, jä'ä nyimay'atë niwëxtyikxymyajk. Ko tyaj'o'ky yë'ë ojts tkutëkë ma ja kutujktaknën.

Salmos 55:23

Tios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Proverbios 1:16

jä'ä ko janty näjyotkëjxëtëp ets ëxëëkpë tuntëty. Janty poj'am timtyunankojtë winë, ets ja ne'pny jä'ä tyimtäman tyimjä'ätsantëp.

Isaías 14:19

e mijts, ni pën mkanitajëty ets jeexyë oy mnaaxtëkë, ëxëëkëm ja'ay m'ixyë. Mëti'ipë të yajkupuxtën, mëti'ipë jutjoty të kya'atën, jä'ä mëët të m'a'o'kmuky, je'eyë të myaj'ateeny të myajtukteeny.

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Romanos 3:15

yajja'ay'o'k pëyi'ikyë nyinëjkxtëp,