Jeremias 41:5 - Biblia Mixe de Quetzaltepec

⁵ ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Biblia Dc en Mixe de Quetzaltepec

⁵ ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Jeremias 41:5 ပူးပေါင်းရင်းမြစ်များ

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

2 Reyes 25:9

ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënäty jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënäty të tjajä'äpëjkta'atë,

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

1 Reyes 12:1

Yë Roboam jam ojts nyijkxy Siquem, jä'ä ko aakjam ënäty të nyëjkxta'atë ja Israel ja'ayëty ets yë'ë yajnikajpxpäta'any yajkutujkpë.

Jueces 9:1

Ënät yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënäty ja tyaak mëët nyämyëku'uk'atyën, ets t'ënëmaay:

Génesis 33:18

Ko yë Jacob tsyo'ony jam Padán-aram, oy mëk jam jyä'äjty Canaán ets jam tsyënaaytyaknpëjky winkon ma ja it naaxwiinyëtë txëëwatyën Siquem.

Isaías 15:2

Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

1 Reyes 16:29

Ma ënäty myë'i'px tuktujk jëmëjtpetyën, ma Asá jam yajkutukyën Judá; yë Ahab, Omri myaank, jää ojts tyuuntsoony jam Israel. Jä'ä ojts yajkutuky i'px mäjtsk jëmëjt, jam Samaria.

1 Reyes 12:25

Jeroboam ojts t'akojë ja kajpn mëti'ipë ijty yajtijpën Siquem, ma Efraín nyaaxjotmën ets jam tsyënaaytyaknpëjky. Ojts näjyëtu'un t'akojë ja kajpn mëti'ipë ijty yajtijpën Penuel.

1 Samuel 1:7

Xëmë winjëmëjt, ko jam nyëjkxtë Siló ma ja Tios ja jyëën tyëjkën, ja Peniná je'eyë ijty t'ënaxë ja myëku'uk ets tnëxi'iky tukxi'iky. Paatykyëjxm yë Aná je'eyë xëmë jyi'iy yä'äxy ets ka'ap kyäy.

Jeremias 7:14

Paatykyëjxm, näjyëtu'un tä ntuunyën ja Siloé tsajptëjk, jëtu'unës ntuna'any ya'atë tsajptëjk mëti'ipës të nyajtuknipëjktaakën, miits ojts njamo'otë ets m'ap m'okëty, mëti'ipë miitsëty mtuk'ijxpäjtëpën.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.

Salmos 102:14

Yë mtuunpëtëjk janty'oy nyäyjyawëtë ko t'ixtë ja tsaapotsy, e tyam je'eyë tjaakpa'ëyowtë ko t'ijxnëtë kujy ka'atsy ja tsaanë.

2 Samuel 10:4

Ënät ojts ja Hanún tni'ënä'ämë ets ja David ja tyuunpëtëjk yajmatstëty ets tjäjpëtëty ja y'awaay kujkwä'kxy je'eyë, ëpëky näjyëtu'un ja wyit ojts tkë'tsëtë, jampaat tkë'tskëtakëtë ma ja y'ixpajkëtyën. Tä ojts t'ëxmatstë ets nyëjkxtëty.

Josue 24:32

Ja José ja wyääy pyajk, mëti'ipë ënäty yë Israel ja'ayëty jap Egiptë kajpnjoty të tmëtsoontën, jam ojts tnitajtë ma ja Jacob ja nyaaxën mëti'ipë jyuuyën. Yë'ë ojts tyukmëtookyë yë Hamor, Siquem yë tyeety ets ojts tsyoowpatxëty mëko'px yë poop pujxn meeny, kom'ok yë'ë yajtukumaaytyë yë José y'u'unk y'ok.

Génesis 34:2

E jam ënäty tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënäty mëj'äämpy ijtëpën ma ja jampë ja naax kajpnën. Ënät ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 37:12

Tu'kxëëw tu'kjëmëjt yë José yë myëkä'äxtëjk ojts nyëjkxtë jam ma ja it naaxwiinyëtë txëëwatyën Siquem, yë'ë ojts ninëjkxtë jam yë jëyujk jë'kxy mëti'ipë ja tyeety jyä'ä'ajtypyën.

Jueces 18:31

Ma yë'ëjëtyën jam ojts ja Micaías ja kyepy tsyetsy jeky y'ity, mapaat ja Wintsën ja jyëën tyëjk yajpatyën jam Siló.

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënäty tyëjk'ajtypyën ma ja naaxwiinyëtë ja'ayëtyën.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënäty ja o'kpë tnimony tnituky.

Jeremias 41:4

Komjëpom ma ënäty të y'ookyën ja Guedalías, ka'anëm ënäty pën tnijawë tii të tyuny të jyätyën,

Jeremias 47:5

Yë Gaza ja'ayëty je'eyë nëjkx nyäkyukä'ptaayënëtë, yë Ascalón ja'ayëty uum wyë'ëma'antë. Miitsëty Anaquim ja'ayëty ¿wi'ix ko nëkoo mjot mnini'kx xyajtsëtyutë?

Jeremias 48:37

Tëë ja'ay nyäkyukä'pta'ajëtë, tëë y'awaay tjäjpta'atë; tëë kyë'ë tsujkta'atë ets tëë tuktëjkëtya'atë yë wit mëti'ipë kuump u'kxpën.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

1 Crónicas 19:4

Ënät ja Hanún ni'ënä'ämëy ets ja David ja jyä'äy yatsumtëty, tääts t'ënëmaay ja tyuunpëtëjk ets ja y'awaay tjäjpëtëty ets tkë'tsëtëty ja wyit jampaat tkë'tskëtakëtëty ma ja y'ixtuuntyën. Tääts jatëkok t'ëxmajtsy.