Jeremias 41:2 - Biblia Mixe de Quetzaltepec

² ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënäty jam të pyëjktä'äkyë ets jam y'ënä'ämëty.

Biblia Dc en Mixe de Quetzaltepec

² ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënety jam të pyëjktä'äkyë ets jam y'ënä'ämëty.

Jeremias 41:2 ပူးပေါင်းရင်းမြစ်များ

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënäty jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënäty ja y'uty të y'ooky mëti'ipë ja Abner yaj'o'kën.

2 Reyes 25:25

E jääts ma wyëxtujk po'opetyën, yë Ismael, yë Netanías myaank, yë y'o'k u'unk yë Elisamá mëti'ipë yë y'aptëjk yajkutujktëpën, nimajk myiintë mëët yë jyä'äy, tääts ni'ëmukë tyaj'o'ktë ja Guedalías, mëët ja Judá ja'ayëty ets ja caldeo ja'ayëty mëti'ipë jam yajpatën Mizpá.

Salmos 109:5

Koos winë oy ntuny nkäjpxy, yë'ëjëty wiinkjaty tuunwinpitë; koos yë tsojkën ja'awën nmëëtëty, xytyuk'ëxëëk'ijxtëpës je'eyë.

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Jeremias 40:14

ets t'ënëmaaytyë: ¿Ti këtiijën xynyijawë ko yë Baalís yajkutujkpë mëti'ipë jam ënä'ämpën Amón, tëë tkexy yë Ismael ets myaj'ooka'anyë? E yë Guedalías ka'ap ojts tmëpëky.

Jeremias 40:16

E yë Guedalías tyaa y'ëtsooy: Ka'ap, këtii jëtu'un m'ëtë'ëtsëty. Tä xynyikäjpxyën yë Ismael ka'ap tyiyëty.

Jeremias 40:5

Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Jeremias 40:7

Ko tnija'awëtyë yë tsiptuunpë wintsën ets tsiptuunpëtëjkëty, jutiiyë ja'ayëty mëti'ipë ënäty juuky të wyë'ëmtën, ko ja Babilonyë yajkutujkpë të tpëjktä'äky yë Guedalías, yë Ahicam yë myaank ets yajkutukëty ma ja ëyoopëja'ayëtyën, ye'etyëjkpë, to'oxytyëjk ets pi'k ëna'k, mëti'ipë ënäty ka'ap të yajmënëjkxtën jam Babilonyë,

Jeremias 40:8

ënät ojts nyëjkxtë mëët yë jyä'äy jam Mizpá ma ja Guedalías yajpaatyën. Ojts nyëjkxtë yë Ismael, yë Netanías yë myaank; yë Johanán ets Jonatán, yë Caréah yë myaank; yë Seraías, yë Tanhúmet yë myaank; yë Efai y'u'unk y'ëna'k mëti'ipë Netofá tso'onpën; ets Jezanías, yë jyä'äy mëti'ipë jam yë tyeety kukajpn'ajtpën Maacat, mëët yë jyä'äy.

Jeremias 41:3

Ismael ojts tyaj'o'kta'ay ja jutiiyë ja'ayëty ets ja Caldeo ja'ayëty mëti'ipë ënäty tsiptuunpëja'ay'ajtëpën mëti'ipë mëët tu'ukyë nyäyaj'itëtën yë Guedalías jam Mispá.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.