Jeremias 40:8 - Biblia Mixe de Quetzaltepec

⁸ ënät ojts nyëjkxtë mëët yë jyä'äy jam Mizpá ma ja Guedalías yajpaatyën. Ojts nyëjkxtë yë Ismael, yë Netanías yë myaank; yë Johanán ets Jonatán, yë Caréah yë myaank; yë Seraías, yë Tanhúmet yë myaank; yë Efai y'u'unk y'ëna'k mëti'ipë Netofá tso'onpën; ets Jezanías, yë jyä'äy mëti'ipë jam yë tyeety kukajpn'ajtpën Maacat, mëët yë jyä'äy.

Biblia Dc en Mixe de Quetzaltepec

⁸ ënät ojts nyëjkxtë mëët yë jyä'äy jam Mizpá ma ja Guedalías yajpaatyën. Ojts nyëjkxtë yë Ismael, yë Netanías yë myaank; yë Johanán ets Jonatán, yë Caréah yë myaank; yë Seraías, yë Tanhúmet yë myaank; yë Efai y'u'unk y'ëna'k mëti'ipë Netofá tso'onpën; ets Jezanías, yë jyä'äy mëti'ipë jam yë tyeety kukajpn'ajtpën Maacat, mëët yë jyä'äy.

Jeremias 40:8 ပူးပေါင်းရင်းမြစ်များ

Jeremias 42:1

Ënät myujktaaytyë ja tsiptuunpë wintsëntëjkëty, yë Johanán, yë Caréah myaank, yë Azarías, yë Hosaías yë myaank ets ni'ëmukë yë ja'ayëty mëjpë mutskpë,

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënäty yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Jeremias 42:8

ets Jeremías ojts tyaxtsoy yë Johanán, yë Caréah myaank ets ja tsiptuunpë wintsëntëjkëty mëti'ipë ënäty mëët tu'ukyë nyäyaj'itëtën ets nitëkokyë ja kunaax kukajpnëty, mëjpë mutskpë,

Jeremias 40:6

Ënät ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënäty të wyë'ëmtën.

Nehemías 7:26

ja Belén ja'ayëty ets ja Netofá ja'ayëty jä'ä nyiwinë'ajtë mëko'px ja majkta'px tuktujk;

Esdras 2:22

ja Netofá ja y'u'unk y'ok, jä'ä nyiwinë'ajtë wëxtyikxy majkmokx tu'uk;

2 Samuel 10:8

Ja Amón ja'ayëty ojts nyänyipëjktaakëtë ets tsyiptuna'antë jam ma ja kajpn yajnitëkën, e ja tsiptuunpëtëjkëty mëti'ipë jam kukajpnajtëpën Sobá ets Bet-rehob ets näjyëtu'un ja tsyiptuunpëty ja ënä'ämpëtëjkëty mëti'ipë xyëëwajtëpën Is-tob ets Maacá, jam nyäpyëjktakëtë jëkäm.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

Josue 12:5

Jampaat ja it naaxwiinyëtë ijty tnitänë ma Hermón kopkën, anëkëjxytsyowpë wyi'imyën ets wiinkpë tsyo'ontä'äky Salka, mëti'ipë a'oytsyow yajpatpën, nyäxy jam Basán ets jyä'ty Guesur; y'ëwtity jam Maacá ets kujkwä'kxy yë Galaad y'itjotm mëti'ipë jamtsow wë'ëmpën ëpa'tkë'ëmtsow, mëti'ipë ënäty nyiwäämpyën yë Sihón, Hesbón yajkutujkpë.

Jeremias 43:5

Ni'ikyënëm ja Johanán ets ja tsyiptuunpë wintsën tyajtu'ukmujktaaytyë ja ja'ay niwäänëpë ënäty të wyë'ëmtën jam Judá, mëti'ipë ënäty wiinktsow të nyajtskääkëtën ets ojts wyimpitë jatëkok jam Judá ets jam tsyënaaytyaknpëjktë:

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënäty yë yajkutujkpë të tpëjktä'äky yë Guedalías jam ënä'ämpë.

Jeremias 38:26

E mijts jëtu'un xy'ëtsowëty ko yë'ëjës të xypyëjktsoy ets ka'ap jatëkok jam myajkäxëty ma Jonatán yë tyëjkën këtiipë jam m'ookëty.

Jeremias 37:20

Mëtoow'it mijts yajkutujkpë ets këtii xy'ëwa'atsëty etsës jatëkok jam nyajmënëjkxëty ma Jonatán yë tyëjkën, mëti'ipë jääpyën, këtiipës jam n'ëk'o'knëty.

Jeremias 37:15

Tääts tnipëtë'ktë ja Jeremías, ojts twoptë ets tsuumtë jam ma Jonatán yë tyëjkën, mëti'ipë jääpyën, ja tyëjk pujxntëjk ijty wyä'äny.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

1 Crónicas 11:30

Maharai, jampë tsyoonyën Netofá; Heled, myaank yë Baaná, jampë näjyëtu'un tsyoonyën Netofá;

1 Crónicas 2:54

Yë y'u'unk y'ëna'k yë Salma jä'ä xyëëwajtë: Belén ets mëti'ipë yajtijtëpën netofatitës, atrot-bet-joab ets nikujkwä'kxy ja manahetitë ja'ayëty, soreitë ja'ayëty

1 Crónicas 2:48

Ja wiinkpë ja to'oxytyëjk mëti'ipë txëëwajtëpën Maacá, yë'ë Caleb myëtëkëëk to'oxytyëjk, yë'ë ojts t'u'unk'aty mëti'ipë xyëëwajtën Séber ets Tirhaná.

2 Reyes 25:25

E jääts ma wyëxtujk po'opetyën, yë Ismael, yë Netanías myaank, yë y'o'k u'unk yë Elisamá mëti'ipë yë y'aptëjk yajkutujktëpën, nimajk myiintë mëët yë jyä'äy, tääts ni'ëmukë tyaj'o'ktë ja Guedalías, mëët ja Judá ja'ayëty ets ja caldeo ja'ayëty mëti'ipë jam yajpatën Mizpá.

2 Reyes 25:23

E ko ja tsiptuunpë wintsënëty ets ja jyä'äyëty tnija'awëtyë, mëti'ipë jam kukajpnajtëpën Judá, ënät ojts nyëjkxtë jam Mizpá ets myëtya'aka'antë mëët ja Guedalías. Ja ja'ayëty mëti'ipë ojts jam nyëjkxtën, jä'ä xyëëwajtëp: Ismael, yë myaank yë Netanías; yë Johanán, yë myaank yë Caréah; Seraías, yë myaank yë Tanhumet, mëti'ipë jam kukajpn'ajtpën Netofá ets ja Jaazanías, yë myaank tu'uk yë ja'ay mëti'ipë jam tso'onpën Maacá. Mëët ja jyä'äy ojts nyëjkxtë.

2 Samuel 23:34

Elifélet, yë myaank yë Ahasbai ets myaank yë Maacá; Eliam, yë myaank yë Ahitófel, jampë tsyoonyën Guiló;

Jeremias 40:13

Yë Johanán, yë Caréah yë myaank ets ni'ëmukë yë tsiptuunpë wintsëntëjk mëti'ipë ënäty të wyë'ëmtën ma y'ijtaknëtyën, ojts tninëjkxtë yë Guedalías jam Mispá,

Jeremias 40:14

ets t'ënëmaaytyë: ¿Ti këtiijën xynyijawë ko yë Baalís yajkutujkpë mëti'ipë jam ënä'ämpën Amón, tëë tkexy yë Ismael ets myaj'ooka'anyë? E yë Guedalías ka'ap ojts tmëpëky.

Jeremias 40:15

Ënät yë Johanán t'ënëmaay yë Guedalías ame'tsyë: Ëwatsëkës yë ntu'u wä'änës nëjkx n'ëkyaj'ooky yë Ismael. Ni pën tkanijawëty pën ënäty ëtëtsp. ¿Wi'ix ko nkupëjkmëty ets yë'ë myaj'ookëtëty? Tsojk jëtu'unyë mpuwa'ktuta'ajëtëty yë jutiiyë ja'ayëty mëti'ipë mja'ay'äjtypyën ets nëjkx o'ktëy jyäty kyëpety yë Judá naax Judá kajpn.

Jeremias 41:1

Ma mëwëxtujk po'o y'apetyën, yë Ismael, yë Netanías yë myaank, yë Elisamá y'ok'u'unk, yë yajkutujkpë y'u'unk y'ok; mëti'ipë ënäty yë yajkutujkpë të tsiptuunpë wintsën'atyën, ojts jam nyijkxy Mispá ets tmëëtmëtya'aka'any yë Guedalías. Majk ojts yë jyä'äy pyanëjkxyë. E jam Mispá, kaaytyëp ënäty jam,

Jeremias 41:2

ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënäty jam të pyëjktä'äkyë ets jam y'ënä'ämëty.

Jeremias 41:11

Ko tnija'awëtyë yë Johanán, yë Caréah myaank ets tsiptuunpë wintsëntëjk ko tëë yë Ismael yaja'ay'ooky,