Jeremias 4:8 - Biblia Mixe de Quetzaltepec

⁸ Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Biblia Dc en Mixe de Quetzaltepec

⁸ Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Jeremias 4:8 ပူးပေါင်းရင်းမြစ်များ

Salmos 78:49

Tios ojts jëtu'un yë tsyip y'äkë tnajtsmatsë; yë joot'an, tëytyu'unën ets monyëtukyë, mëti'ipë ojts tnikajpxtën ko ënäty ëyo'on y'ita'any.

Isaías 10:4

Oy ënäty miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 32:11

Mëti'ipë tyam ka'ap tii xymyëmay xymyëtajtën, je'eyë nëjkx mtsëyuytyë; miitsëty mëti'ipë tyam akujk jotkujk mnäjya'awëtëpën, mëët'atë ja amay jotmay, ijxpëktë ja mjemywyitëty, yë'ë këëtspë tuktëkëtë mëti'ipë kuumpën u'kxpën, mmontë tuktë jë'ëtë ya'axtë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Jeremias 30:24

Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Jeremias 48:20

Yë Moab kajpn mëj këjää të tsyë'ëkë. Jyëkyejpy xynyijë'ë xynyiya'axtëty. Nëjkx jam nikajpxtë ma Arnón mëjnëëjën ko yë Moab kajpn të kyutëkoy.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Ezequiel 30:2

Mijts ye'etyëjk ja'ay, kajpx mëtya'ak ëjts nxëëwkyëjxmës ets m'ëna'anëty: Jëtu'un yë Wintsën y'ënä'äny: jë'ë ya'axtë ko myiny ja xëëw jëmëjt tsipë

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Amós 8:10

Ma ënäty ja xëëw tyunyën jää nëjkx ja'ay tyëkëtë yaxpë mëët ko ënäty t'ixtë may ja ja'ay y'o'knëtë, ja mëti'ipë ënäty ëëwtëpën nän nëjkxëp tyëjkënëtë yaxpë mëët ko ënäty may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënäty ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Miqueas 1:16

E mijts Sión kajpn, nëkä'pta'a yë mkuwaay ets xyaj'ixëtëty ko ëxëëk mjaty mkëpety, mëët ko të m'ëxëëktunyë yë m'u'unk m'ëna'k mëkpë xytsyokyën. Jëtu'un mnäkyukääpëtëty tä majkwejkxyën, jä'ä ko yë m'u'unk m'ëna'k wiink naax wiink kajpn tsumy matsy yajmënëjkxa'antë.

Números 25:4

ets t'ënëmaay yë Moisés: Yajmujkta'a yë mëjja'aytyëjk mëti'ipë mëj'äämpy ijtëpën ma naax kajpnën ets xyo'ktëëytya'ajëty ëjts nwintuuyës ets ja'ay t'ixtëty. Jëtu'un xyäämëty yë n'äkës mëti'ipës nmëët'ajtypyën mëët yë Israel ja'ayëty.