Jeremias 4:6 - Biblia Mixe de Quetzaltepec

⁶ Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Biblia Dc en Mixe de Quetzaltepec

⁶ Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Jeremias 4:6 ပူးပေါင်းရင်းမြစ်များ

Isaías 62:10

Pëtsëmtë, pëtsëmtë tëjk ëkë'ëy, nipëjktaakëtë ja nyë'ë tyu'u ja nnaax nkajpnës. Oytyuntë yajxon ja në'ë aaw tu'u aaw ets xyjyëkoonta'atëty yë tsaa; Pëjkta'aktë tu'uk ijxpäjtën ets naax kajpn t'ixtëty.

Jeremias 10:22

Mëtoow'itë yajxon. Tëë ja nija'awën tu'uk jyä'ty. Jam anëkëjxmtsow tsyoony, tu'uk yë naax kajpn mëti'ipë Judá kajpn yajkutëkoyäämpyën ets tyaj'awinpita'any të'ëts'itjot ma nëjkx ja wax ya'axtën jyoktën.

Jeremias 18:11

Paaty ntuknipëky ets xy'ënëëmëty yë Judá ja'ayëty ets Jerusalén ja'ayëty ko mëti'ipë Wintsën'ajtpën, jëtu'unës n'ënëëmëtë: Tyam miitsëty nimay nitajëtë wi'ix nyaj'ëyo'onpaata'antën, yë'ëjës nmääpy ntäjpy wi'ix ntëytyuntëty. Nik yaj'oyëtë mjot mwinma'anyëty, ëxmatstë ëxëëk tu'u ets oy winë tuntë.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënäty juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 22:7

Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 4:21

¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 50:22

Ma naax kajpnën yë'ë yajmëtoop jëën tsip mëti'ipë yë naax kajpn yajkutëkoopyën.

Jeremias 51:12

Jam xynyikajpxtëty wi'ix yë Babilonyë kajpn yajnitëkën. Kwent'aty yajxon yaj'itë. Pëjkta'aktë yë këwent'ajtpë. Xoktë. Jä'ä ko yë Wintsën ojts tuknipëjktaakë wi'ix tuna'anyën yë Babilonyë ja'ayëty ets ojts jëtu'un tuny tä ënäty të tnikäjpxyën.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 51:54

Jampaat Babilonyë të tsyoony yë jë'ëyën yaxën ko jyam'aty ja pëjkën ato'onën, jam ma Caldeo ja'ayëtyën të tsyoony yë mëto'owën mëkpë.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Jeremias 6:22

Jëtu'un yë Wintsën y'ënä'äny: Tam anëkëjxmtsow tu'uk yë naax kajpn mëkpë ets tsip'ixypyë tuknipëjktaakë ets min tnitëkëja'any ya'atë naax kajpn.

Ezequiel 9:1

Ok tu'uk ja mëto'owën mëk nmëtooyës, mëk xytyatsk më''ënanës: Tää jya'të ja ja'ayëty mëti'ipë tyiytyunantëpën ja kajpn, aaktam tmëët'atë yë pyujxnëty mëti'ipë tyukyajkutëkoyantëpën.

Ezequiel 9:2

Ënätës të n'ixy nitëtujk ja ja'ay tyëkëtë jam ma tëjkëtyaknën anëkëjxytsyow, aaktam tkë'ëkap'atë yë pyujxnëty mëti'ipë myëtsiptunantëpën. Tam näjyëtu'un itkujky tu'uk ja ja'ay nyijkxy yë'ë wyit'ajtyp linë wit, tam tmëëtëty wyëënkëjxy mëti'ipë tyukjääpyën. Ënät të tyëkëtë jap tsajptëkoty ets të wya'ak'oyëtë ma ja wintsë'këntyaknën mëti'ipë tsuxkpujxn mëët y'oytyunyëtyën.

Sofonías 1:10

Jëtu'un yë Wintsën y'ënä'äny: Jä'ä xëëw, nëjkxëp may yë ja'ay näypyutëkë tja'amëtoy jam ma Nëë Jëyujk Majtspë Tyëjk'aawëtyën. Nëjkxëp yë ja'ay mëk jyë'ëtë ya'axtë ma ja mëmäjtskpëkpyë ja kajpnën ko ënäty ja ja'aw jam kyutëkë kopkkëjxm.

Zacarías 6:6

Yë pujxnwintëkäämpë mëti'ipë yëk kwaay pajëtujtëpën, jamtsow anëkëxmtsow nyijkxy; yë pujxnwintëkäämpë mëti'ipë poop kwaay pajëtujtëpën, jam nyijkxy xëëwkëtä'äkytsyow; e ja pujxnwintëkäämpë mëti'ipë pajëtujtëpën ja kwaay mëti'ipë poopkatsën, jamtsow nyijkxy ëpa'tkë'ëmtsow.