Jeremias 4:30 - Biblia Mixe de Quetzaltepec

³⁰ E mijts naax kajpn, xit ko'owpë myajpaatyën, ¿tii nyawa'anëty oy uky tsyapts mjanäxyoxyë? ¿Tii nyawa'anëty oy jam ma mwiin mjëjpën xyjyapëjktä'äky pu'ts pujxn? ¿Tii nyawa'anëty oy mwiin yëk xyjyakoy? Nëkoopë janty'oy mnäkyoyë, ja mëti'ipë määpy mtäjpyën mtsojkëp mja'awëyëp, ka'ap m'ëk tsojkënë, mijts o'kën yi'iyë mjëjp'ijxnëp.

Biblia Dc en Mixe de Quetzaltepec

³⁰ E mijts naax kajpn, xit ko'owpë myajpaatyën, ¿tii nyawa'anëty oy uky tsyapts mjanäxyoxyë? ¿Tii nyawa'anëty oy jam ma mwiin mjëjpën xyjyapëjktä'äky pu'ts pujxn? ¿Tii nyawa'anëty oy mwiin yëk xyjyakoy? Nëkoopë janty'oy mnäkyoyë, ja mëti'ipë määpy mtäjpyën mtsojkëp mja'awëyëp, ka'ap m'ëk tsojkënë, mijts o'kën yi'iyë mjëjp'ijxnëp.

Jeremias 4:30 ပူးပေါင်းရင်းမြစ်များ

2 Reyes 9:30

Ënät ja Jehú ojts jam nyijkxy Jezreel. Ko yë Jezabel tnija'awëy, ënät yajxon tkooy tpëjky ja wyiin jyëjp ets tyaj'o'oyëy yë wyääy; tääts jam kyu'ijxnaxy ma tyëjkwiinën.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.

Proverbios 7:10

tëë nyipëtsëmyë tu'uk ja to'oxytyëjk akootstuuy, yajxon të nyäy'oytyunyë jëtu'un tä to'oxytyëjkën mëti'ipë jyot nyini'kx tyo'ktëpën,

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 20:6

Tääts nëjkx y'ëna'antë ja'ayëty mëti'ipë mejy winkon tsënaaytyëpën: Ix ja jyajnë ja kajpn mëti'ipës të ntuk'ijxpäjtëmën, mëti'ipë ënäty xëmë nmëye'eyëmën ets xynyiwaantutmëty ma ja Asiria ja'ayëtyën. ¿Tyam wi'ix ënät nnäkyuwa'anëmëty ets nnäyajtsokëmëty?

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Jeremias 13:21

Mijts Jerusalén, ¿wi'ix m'ëna'ana'any ko ënäty yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 22:23

Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Jeremias 30:14

Ja ye'etyëjktëjk mëti'ipë ënäty mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënäty ja jëtu'unpë kyixy nyäxy?

Lamentaciones 1:19

Ojtsës nja'amëtoy yë näypyutëkë yë n'atsokyjyä'äytyëjkës, yë'ëjëty ni'ikyë ojts xy'ëxmatstës. Yë teetytyëjkëty ets mëjja'aytyëjk wa'ats të y'o'kta'atë jam kajpnjotm, jë'kxy pëky ënäty y'ixtaaytyëp këtiipë yuu ooktëty.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Ezequiel 28:13

Jam ënäty Edén myajpaaty ma ja Tios tmëëtëtyën yë y'ujts tsa'am kam, mëti'ipë myëët'ajtypyën oyëtypë tsaa, tsapts tsaa, të'kxy tsyaa; yëktsuxk tsaa, pu'ts tsaa, uky tsyapts tsaa; tsu'unk tsaa, tsuxk uky tsyaa, uky tsyaa ets tsuxktsaa; yë mnantsëm ets mtatsktëy aakyë'ë pu'ts pujxn, mëti'ipë myajtuknikojëyën ma ënäty ka'anëm mkojynyëmën.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënäty jam ma mëtsipën myajpatnë?. Ko ënäty myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Abdías 1:7

Tu'kë'ëyë mëti'ipë ënäty mëët të mnäpyiky mnämyätsyën tëë mwin'ëënyë; tëë myaj'ëxwopy ma mnaax mkajpnën. Yë'ëpaat yë ja'ayëty mëti'ipë ënäty mëët të mnämyäyën tëë mmëtsiptsoonyë ets ja ja'ayëty mëti'ipë ënäty mëët oy mnämyäyën tëë ja jyot wyima'any tyajtëkajtsta'atë ma mijtsën ets të tpëjkta'aktë ja m'o'ktakn yu'utsypë. Yë Edom kajtëm yë wyijyëty.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Apocalipsis 17:13

Tu'ukyë ja wyinma'any tyaj'itë ja nimajkpë ja yajkutujkpëtëjk ets myo'ojantëp ja mëk'ajtën ets ja kutujkën ja mëj jëyujk.

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Apocalipsis 17:4

Tsu'unk, tsapts ets oyëty ja wyit ja to'oxytyëjk; pu'ts pujxn, oyëtypë tsaa ets perlas nätyuk'oytyuunëp. Jam tu'uk ja pu'ts pujxn a'ukën tkoon'ity, ujts mëët ja ëxëëkajtën mëti'ipë tyuunk'ajtypyën.