Jeremias 4:27 - Biblia Mixe de Quetzaltepec

²⁷ Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Biblia Dc en Mixe de Quetzaltepec

²⁷ Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Jeremias 4:27 ပူးပေါင်းရင်းမြစ်များ

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënäty të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënäty mpaatëtën. Ka'ap jëtu'unyë nyaninaxa'any ja mtuuntëko'oyënëty.

Jeremias 5:18

Jëtu'un yë Wintsën y'ënä'äny: Jä'ä xëëw jä'ä jëmëjt ka'ap nyajkutëkooytya'aja'anyës.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Ezequiel 11:13

Tamës ënäty ja Tios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?

Levitico 26:44

E pën tëë jëtu'un jyäty kyëpety ets miits jam myajpatnëtë ma ja nyaax kyajpnëtyën ja mëtsipëty, ka'ap nwiink'ixëty ets ka'ap n'ixtijtë; ka'ap nyajkutëkoytyëty ets nkuuytyunäämpyës ja käjpxytyu'unën mëti'ipës ntuunën mëët ja m'ap m'okëty, jä'ä ko ëjts Wintsën, mëti'ipë miits mTiosajtëpën.

Ezequiel 33:28

Aanë'ëk tëëtsë'ëk ets axit ako'owë yë naax kajpn nyajwë'ëma'anyës, mpëjkëjäämpyës ja naax kajpn ja myëk'ajtën mëti'ipë nätyukyajmëjnajxëpën. Ja Israel ja tyun kyopk nëjkxëp tyëëtsë'kta'ay; ka'ap nëjkx jam pën y'ëknajxnë.

Ezequiel 6:14

Nëjkxëpës nixajjë'ëktë etsës nëjkx ntëytyuntë, jampaat tsyo'onta'akëty të'ëts'itjotm ëpa'tkë'ëmtsow ets tyimja'tëty Riplá anëkëjxytsyow, aak tëëtsë'ëk nëjkx nyaj'awinpijta'ayës yë nyaax kyajpnëty. Ënät nëjkx xy'ijxkaptës ko ëjts Wintsënajtp.

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Isaías 24:1

Ixtë wi'ix ja Wintsën ja naaxwiinyëtë tuna'anyën, yajma'ta'ajäämpy ets yajwintëkooytya'ajäämpy koonëm ja ja'ay kyääkwa'kxta'atëty.

2 Crónicas 36:21

ets y'atëwëty ja aaw ayuk mëti'ipë ja Jeremías, Tios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

Nehemías 9:31

E mijts mëët ko xy'ëkmëët'aty ja pa'ëyo'ow najts'ëyo'owën ka'ap xytyimyajkutëkooy ets tu'ukyë xytyim'ijxmajtsy; tä xyajwinkëxë'ëky ko mijts oy mTios'aty ets mëët'ajtyp ja ëma'atjot.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.

Jeremias 44:6

Ënät njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Ezequiel 20:17

Je'eyëp ko ojtsës mpa'ëyowtë, paatyës ka'ap nyaj'atëkooytyë jam të'ëts'itjotm.

Levitico 26:31

Nëjkxëpës njijta'ay ja mnaax mkajpnëty ets ka'apës nëjkx oy nxuuk'aty ja npa'akxu'k npa'akjojkënëty ets ja on mëti'ipë oy jaxu'kp jajojkpën.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Tios.

Lamentaciones 2:7

Ka'ap të tkupëky yë wintsë'këntyakn, ka'ap të tkupëky yë tsajptëjk; yë mëtsip të tukkë'ëtëjkëtyä'äy yë potsy mëti'ipë ijty nyapots'ajtypyën yë naax kajpn. Jëtu'un jap tsajptëkoty ja'ay yaxnëtë jyojknëtë tä jeexyë jap xyëëwtuntën.

Sofonías 1:18

Ma ënäty ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënäty kajpnjoty tsënaaytyëpën poj'am y'o'kta'aja'antë.