Jeremias 4:26 - Biblia Mixe de Quetzaltepec

²⁶ Ojts n'ixyës ja pëjykyamjot, aanë'ëk tëëtsë'ëk të y'awinpijta'atë, tu'kë'ëyë ja naax kajpn xit ko'ow ënäty të jyajta'atë. Ja Tios ja tsyip y'äkë ënäty jëtu'un winë të tyajjajta'ay.

Biblia Dc en Mixe de Quetzaltepec

²⁶ Ojts n'ixyës ja pëjykyamjot, aanë'ëk tëëtsë'ëk të y'awinpijta'atë, tu'kë'ëyë ja naax kajpn xit ko'ow ënety të jyajta'atë. Ja Dios ja tsyip y'äkë ënety jëtu'un winë të tyajjajta'ay.

Jeremias 4:26 ပူးပေါင်းရင်းမြစ်များ

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Jeremias 12:4

¿Jëna'a jyëjpkëxa'any ja xëëw jëmëjt ma ja naaxwiinyëtë ka'ap anë'ëk tëëtsë'ëk y'ëk'ijnëty ets ma ja aay ujts ka'ap y'ëktëtsnëty? O'kta'ajanëp yë aayjëyujk ujts jëyujknë ets joon jëyujk mëti'ipë kääkëtijtëpën, mëët ko ja naaxwiinyëtë ja'ay ëxëëk y'ëtë'ëtstë y'ëna'antë ets y'ëna'antë ko mijts ka'ap xy'ixy yë tyuuntëko'oy kyajpxtëko'oyënëty.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Jeremias 12:13

Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Levitico 26:31

Nëjkxëpës njijta'ay ja mnaax mkajpnëty ets ka'apës nëjkx oy nxuuk'aty ja npa'akxu'k npa'akjojkënëty ets ja on mëti'ipë oy jaxu'kp jajojkpën.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.

Lamentaciones 2:7

Ka'ap të tkupëky yë wintsë'këntyakn, ka'ap të tkupëky yë tsajptëjk; yë mëtsip të tukkë'ëtëjkëtyä'äy yë potsy mëti'ipë ijty nyapots'ajtypyën yë naax kajpn. Jëtu'un jap tsajptëkoty ja'ay yaxnëtë jyojknëtë tä jeexyë jap xyëëwtuntën.

Sofonías 1:18

Ma ënäty ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënäty kajpnjoty tsënaaytyëpën poj'am y'o'kta'aja'antë.