Jeremias 4:21 - Biblia Mixe de Quetzaltepec

²¹ ¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Biblia Dc en Mixe de Quetzaltepec

²¹ ¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Jeremias 4:21 ပူးပေါင်းရင်းမြစ်များ

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Jeremias 4:19

Janty yäjts janty pojpës mëët yë pëjkën ijxën. Ëxëëkëmës njawë yë njot. Ka'apës nijënu'un nnäjyawëty npo'kxy, ninu'unës amonyë nka'ity. Tëës nmëtoy ko ja'ay pujxnxuxn tukxu'uxy, tsip y'awantëp, jëtu'un ya'axtë jyoktë tä ja'ay tsyiptuna'anyën.

2 Crónicas 36:17

Ënät ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

2 Crónicas 36:10

Ma xyëkopk'atyën jä'ä jëmëjt ojts yë yajkutujkpë Nabucodonosor yajnikutukëty ets tyajnëjkxtëty jam Babilonyë mëët tëkokyë mëti'ipë tsowëtyën, japë y'ityën ma Wintsën ja tsyajptëjkën ets tpëjktäky yë'ë Sedequia ets yajkutukëty jam Judá ets Jerusalén, nän yë'ë Joaquín myëku'uk.

2 Crónicas 36:3

Yë Egiptë yajkutujkpë yë'ë ojts jam yajjëwä'äkyë ma ënä'ämtaknën jam Jerusalén ets t'ënëmaay ja naax kajpn ets tyaktëty ja kyukëpät; jä'ä tyaktëty tëkëëk mil ja tëkëëk mëko'px mil poop pujxn ets i'px majktëkëëk tsim ja pu'ts pujxn.

2 Crónicas 35:25

Ojts yë Jeremías tu'uk yë ëy tyuknijayëty ko y'oky tyëkooy. Mëti'ipë tyampaat je'eyëm y'ëëwtëpën ko pën y'ooky mëti'ipë tyukja'amyäjtstëpën ja Josías. Ya'atë ëy xëmë t'ëwtë yë Israel ja'ayëty ets aak myëët'ajtëp yë ja'ayëty ma y'iynyokyëtyën.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jeremias 42:14

ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,