Jeremias 4:20 - Biblia Mixe de Quetzaltepec

²⁰ Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Biblia Dc en Mixe de Quetzaltepec

²⁰ Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 4:20 ပူးပေါင်းရင်းမြစ်များ

Salmos 42:7

Yamëtoop yë mnëëtax ko kyëtä'äky jap wokjoty, yë nëëkom mëti'ipë të xykyexyën jam të nyajxta'ay maas yë nini'kxën.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Tios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Lamentaciones 3:47

ëtsë'këtyëp, yaj'ookantëp, yajkutëkoyantëp ets xit ko'ow ëëts je'eyë të xytyuunta'atë, jëtu'unës njat të nkëpätë.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Levitico 26:24

Ëjts nëjkxëpës näjyëtu'un miitsëty ntukjoot'anpëktë. Nëjkxëp jatëkok ntëytyuntë, nän ja wëxtujk'ok jyaak ni'ikëty ja tëytyu'unën ma miitsëtyën.

Levitico 26:21

Pën miitsëty kä'äpyëm nkäjpxyjyä'äkyukëtë ets ka'ap ninu'un xytyim'a'ixëtë xymyëmëtowa'antës. Miitsëty kopkpëky ko jatëkok ntëytyuntëty ets wëxtujk'ok nëjkx njaakyajni'ikës ja tëytyu'unën ma miitsëtyën.

Levitico 26:18

Pën kä'äpyëm jëtu'un mëtowtë, oy jëtu'un ja ëyo'on xyjyapaat xyjya'ixtë, nëjkxëp jatëkok ntëytyuntë ets wëxtujk'ok nëjkx nyajni'ikënës ja ntëytyu'unënës.

Éxodo 33:5

Jä'ä ko yë Tios tyaa ënäty yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

Habacuc 3:7

Tëës n'ixy yë Cusán ja'ayëty o'ktëy jyajta'atë ets Madián ja'ayëty tëë je'eyë të wyintakta'atë mëët ja tsë'ëkë.

Jeremias 4:6

Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Isaías 54:2

Yajmëjë yë m'ijtakn, yajkëjääjë yë mtsënaaytyakn; jëjptsumë yë mtejpxy, ta'tspëky nikupë,

Isaías 47:9

Mäjtsk ja ëyo'on jotmay mëti'ipë mniminanëpën, ets tu'kxëëyë tyuna'any jyata'anyë: Ku'ooky mwë'ëma'any ets u'unktuk, oy mjatuny mjaakäjpxy ets oy jënu'un yu'utsykyäjpxy xyjyanijawë ets xyjyatukjaty.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Números 16:45

Näjyëpëkëtë ma tääpë ja'ayëtyën, jä'ä ko nyajkutëkoyäämpyës yam ajotkumonë. Tä ja Moisés ets ja Aarón ënätyë nyäkyoxtënaaytyakëtë,

Números 16:21

Puwa'ktu'utë tääpë ja'ayëty, ëjts tëëjës ntuknipëjktaakë koos nyajkutëkoya'antë.

Levitico 26:28

Ëjts nëjkxëpës näjyëtu'un miitsëty ntukjoot'anpëktë. Nëjkxëp ntëytyuntë mëët ja mëkjoot'an ets wëxtujk'ok nëjkx jyaak yajni'ikës ja tëytyu'unën ma miitsëtyën, mëët ja mpokykyëjxmëty.

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Jeremias 4:21

¿Jënaak xëëw jënaak jëmëjt jëtu'un y'ita'any tääpë wit wintëy ets jënu'un pyoxa'any ma yajmëtowa'anyën ja pujxnxuxn mëti'ipë nyikäjpxypën ja tsip?

Jeremias 4:27

Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Jeremias 12:11

Aanë'ëk tëëtsë'ëk ets mon tuk të tyajwë'ëmtë, n'ijxypyës wi'ix jyi'iy yä'äxyën. Aanë'ëk tëëtsë'ëk tu'kë'ëyë ja naax kajpn yajpaaty ets ni pën tkamëmay tkamëtajy.

Jeremias 9:18

Jëtu'un, wä'än tsojkyë tmintë ets wä'än xynyiyaxëmë; wä'än yë nwiinnëë'ajtëm tka'ay ets wä'än xyajnëëwin'oko'omëmë.