Jeremias 4:11 - Biblia Mixe de Quetzaltepec

¹¹ Ko ënäty jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Biblia Dc en Mixe de Quetzaltepec

¹¹ Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Jeremias 4:11 ပူးပေါင်းရင်းမြစ်များ

Oseas 13:15

Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Ezequiel 17:10

Oy jyayajpääntëkatsëty, ka'ap nëjkx jyiitsy; jää nëjkx tyëtsta'ay ko ënäty myiny ja jëënpoj mëti'ipë xëëwpëtsëmtsyow tso'onpën; jam tsyë'ëtsa'any ma ënäty jyiitsa'anyën.

Lucas 3:17

Jëtu'un ja naaxwiinyëtë ja'ay tyajpokwya'atsa'any ijxtëm ja tsajpmokpajk yajwinpojyën ets nyijkx ëpëky ja wa'atspë ets ja y'ak yajnino'oky ma ja jëënën nijëna'apë kyapi'itsyën.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Lamentaciones 4:6

Yë nnaax nkajpnës yë y'ëxëëktu'un y'ëxëëk kajpxënëty nëkooyë të kyëjääjënë këtiinëm jyëtu'un'ajtë yë Sodomë kajpn, mëti'ipë ojts poj'am kyutëkoyën ets mëti'ipë ka'ap pën nyitëkëtyën.

Lamentaciones 4:3

Yë wax jyaak yajtsi'tstëp yë y'u'unk ets tyajjotkujk'atë, e yë nkajpnës ni'ikyë tyëkooynyë jëtu'un nyäpyëjktakënë tä pawojnyën mëti'ipë tsënääpyën jam të'ëts'itjotm.

Lamentaciones 3:48

Nijëëy niyäxypyës ja nnaax nkajpnës koos n'ixy wi'ix kyutëkoyën.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Jeremias 9:7

Paaty ëjts maas nWintsën'atyën, mëti'ipë maaytyääyëpën winë jëtu'unës n'ëna'any: ¿Wi'ixës ja nnaax nkajpn mëpaat n'ëktuny ets y'oyëty? Jëënjotyës npëjkta'aka'any.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Jeremias 8:19

Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Tios xytyukxoonta'akëty, ja Wa'atspë yajpaatyën jam ma Israel kajpnën.

Isaías 27:8

Ko yë Tios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Isaías 22:4

Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Lamentaciones 4:10

Oy ënäty ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Jeremias 4:12

ja mëkpoj mëti'ipës nyajminäämpyën, mëkës nyaj'ita'any, ka'ap tjëkyepy ets tsajpmok yajtukwinpojëty, yë'ëjës ntukwinmëtowantëp jënu'un ëyoowtaknjoty y'ita'antën.

Jeremias 13:24

Paatykyëjxm jëtu'unyë nwojpwa'kxa'antë, jëtu'un tä pyojwä'kxyën yë aay pu'uxm mëti'ipë pojë'kpën jam të'ëts'itjotm.

Habacuc 1:6

Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

Habacuc 1:11

Mëk pojën nyaxtë ets ka'ap nimëti'ipë tios mëj t'ixtë, yi'iyë tyukjotkujk'ajtëp yë jyot myëjaawëty.

Oseas 4:19

Jëtu'un wyimpapoja'antë tä joon wyimpapojyën ets nëjkxëp tjamëtsëtyuunëtë ko ënäty wiink tios t'ëwtatë.