Jeremias 39:5 - Biblia Mixe de Quetzaltepec

^5-6 E ja caldeo tsiptuunpëtëjkëty ojts y'ixëtë ets pyatso'onëtë. Jam yë Sedequías yajnajtspatëy ma ja joyjyotën mëti'ipë Jericó nyitënääpyën. Ënät yajmajtsy ets ojts yajmënëjkxy ma ja Nabucodonosor yajkutujkpë yajpaatyën jam Riblá, ma Hamat y'itjotmën. Jam yë Nabucodonosor ojts tni'ënä'ämë ets Sedequías yë y'u'unk y'ëna'k yajyo'kpujxta'atëty ets tëkokyë yë jyä'äy mëti'ipë ënäty jyiiky'äjtyp myëku'uk'ajtypyën e yë'ë wintuuy ojts y'o'kta'atë.

Biblia Dc en Mixe de Quetzaltepec

^5-6 E ja caldeo tsiptuunpëtëjkëty ojts y'ixëtë ets pyatso'onëtë. Jam yë Sedequías yajnajtspatëy ma ja joyjyotën mëti'ipë Jericó nyitënääpyën. Ënet yajmajtsy ets ojts yajmënëjkxy ma ja Nabucodonosor yajkutujkpë yajpaatyën jam Riblá, ma Hamat y'itjotmën. Jam yë Nabucodonosor ojts tni'ënä'ämë ets Sedequías yë y'u'unk y'ëna'k yajyo'kpujxta'atëty ets tëkokyë yë jyä'äy mëti'ipë ënety jyiiky'äjtyp myëku'uk'ajtypyën e yë'ë wintuuy ojts y'o'kta'atë.

Jeremias 39:5 ပူးပေါင်းရင်းမြစ်များ

2 Reyes 23:33

Ja yajkutujkpë Necao, ja Egiptë ja'ay, ojts tsum yaj'ityë jam Riblá, ma ja y'itjotmën ja Hamat; këtiipë jam yë'ë yajkutukëty Jerusalén ets tukupëjky atsip ja naax kajpn ets tyaktëty ja këpäjtën; tëkëëk mil ja tëkëëk mëko'px tsim ja poop pujxn ets i'px majktëkëëk tsim ja pu'ts pujxn.

Josue 5:10

Yë Israel ja'ayëty jam ojts tsyënaaytyaknpëktë Guilgal, e ko myajkmajkts'aany ja po'o jää ojts tnixëëwtuntë ja ëmaayxyëëw, ma ja mëj joyën mëti'ipë Jericó kajpn jyä'ä'ajtypyën.

Jeremias 38:23

Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Josue 4:13

Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Tios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Jeremias 4:12

ja mëkpoj mëti'ipës nyajminäämpyën, mëkës nyaj'ita'any, ka'ap tjëkyepy ets tsajpmok yajtukwinpojëty, yë'ëjës ntukwinmëtowantëp jënu'un ëyoowtaknjoty y'ita'antën.

2 Crónicas 33:11

Paatykyëjxm yë Wintsën tyukniwoowpäjtëtë ja Asiria ja'ayëty ets tmajtstë ja Manasés ets tsumy xoty ojts tyajnëjkxtë jam Babilonyë, mëët pujxntejpxy.

2 Reyes 25:6

Ja caldeo ja'ayëty ojts tmatstë ja yajkutujkpë Sedequías ets ojts tukninëjkxtë ja yajkutujkpë jampë tyunyën Babilonyë, jam ënäty yajpaaty Riblá, ma ja Hamat nyaaxjotmën. Jam ja Nabucodonosor tyajnitujkëy ja Sedequías,

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

2 Samuel 8:9

Ja Toi, mëti'ipë jam ënä'ämpën Hamat, ko tnija'awëy ka'ap ja David të tyajmëtä'äky ja Hadad-ézer,

Jueces 3:3

Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënäty tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

Josue 13:5

Jaakwë'ëmp näjyëtu'un ja y'it nyaaxwiinyëtëty ja guiplitës ja'ayëty, tëkokyë Líbano itjot, tyimnëjkxy a'oytsyow'äämpy, tsyo'ontä'äky jam Baal-Gad ma ja Hermón kopk ja pya'tkën ets jyä'ty ma tsyo'ontä'äkyën ja Hamat ja nyaaxjot.

Números 13:21

Ënät ja ye'etyëjktëjk ojts tsyoontë ets jyajtë ma tu'uk yë it naaxwiinyëtën aanë'ëk tëëtsë'ëkpë, jä'ä txëëwaty Sin ets ëpa'tkë'ëytsyow yajpaaty. Ojts jam t'ixtë tuntë tääpë it naaxwiinyëtë. Ojts tukjëtijtëtya'atë ya'atë it, tyajtso'ontaktë jam Sin ets jyajtë ma Rehob kajpnën, anëkëjxytsyow yajpaaty. Winkon mëët wyi'imy ma yajnitëkën yë Hamat kajpn.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënäty juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 24:8

E yë Sedequías mëti'ipë jam Judá yajkutujkpën ets kopktëjkëty ets tëkokyë Jerusalén ja'ayëty mëti'ipë ojts wyë'ëmtën kajpnjotm ëkë mëti'ipë ojts nyëjkxtën jap Egiptë tsënääpyë, jëtu'unës njawëja'antë tä ja higo tëëmën mëti'ipë ma'atëtyën, mëti'ipë ka'ap tjëkyepyën wi'ix yajë'kxëty.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënäty ëxëëk tsë'ëkën.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Ezequiel 23:24

Nëjkxëp mniminyë, mëët yë kepy wintëkäämpë ets mëët yë maytsyiptuunpëtëjk; nëjkxëp myajnatukyë wä'än tmaajëty, mëët yë pyujxn ku'umënëty mëti'ipë tyukyajja'ay o'ktëpën; tä yë akëëytyukën, kujupën ets n'ënëëmëja'antës wä'än mtëytyunyë; jëtu'un tä yë y'ënä'ämën tyiyajtën myintën, jëtu'un xykyëpätëty ja mpoky.

Habacuc 1:7

Ëxëëkëm kyëxë'knëtë ets atsë'ëk ajawë yaj'ijxnëtë, yë'ëjëty kyë'ëmtëyajtën mëët myëta'aktë, ka'ap nimëti'ipë ënä'ämën kutujkën t'ixkaptë.

Isaías 22:3

ja mwintsëntëjk mëti'ipë ja tsip ijty nyikopk'ajtëpën, ni'ikyë ojts kyäknëtë pyujnëtë; ko të kyä'äktë ni'ikyë të twinkukääkëtë ja myëtsipëty ets yajtsuum yajmajtstë. Ja mjotmëktëjk oy nëkooyë jyakäk jyapujtë je'eyëm ojts yajmatstë ets yajtsuumtë.