Jeremias 39:3 - Biblia Mixe de Quetzaltepec

³ mëët tëkokyë ja Babilonyë tsiptuunpëtëjk mëti'ipë mëj'äämpy ijtëpën ets jam nyäpyëjktakëtë ma ja kajpn yajnitëkën itkujkytsyow. Tam ja mëti'ipë xyëëwajtypyën Nergal-sarézer, samgar-nebó, Sarsequim, wintsën y'ity ma ja kutujktaknën ets ja wiinkpë mëti'ipë xyëëwajtypyën Nergal-sarézer, nän wintsën y'ity.

Biblia Dc en Mixe de Quetzaltepec

³ mëët tëkokyë ja Babilonyë tsiptuunpëtëjk mëti'ipë mëj'äämpy ijtëpën ets jam nyäpyëjktakëtë ma ja kajpn yajnitëkën itkujkytsyow. Tam ja mëti'ipë xyëëwajtypyën Nergal-sarézer, samgar-nebó, Sarsequim, wintsën y'ity ma ja kutujktaknën ets ja wiinkpë mëti'ipë xyëëwajtypyën Nergal-sarézer, nän wintsën y'ity.

Jeremias 39:3 ပူးပေါင်းရင်းမြစ်များ

2 Reyes 17:30

Ja mëti'ipë tso'ontëpën jam Babilonyë ojts tyajnikojtu'utë ja tyiosëty mëti'ipë tyijtëpën Sucot-benot; ja mëti'ipë tso'ontëpën jam Cuta, ojts tyajnikojtu'utë ja tyiosëty mëti'ipë tyijtëpën Nergal; e ja mëti'ipë tso'ontëpën jam Hamat, ojts tyajnikojtu'utë ja tyiosëty mëti'ipë tyijtëpën Asimá.

Jeremias 1:15

Ëjts mëti'ipë Wintsën'ajtpën, yajxon ntimy'ënëëmëtë ko nmëkajpxta'ajäämpyës nitëkokyë yë yajkutujkpëtëjk mëti'ipë jamtsow anëkëjxmtsow ënä'ämtëpën ets myiinta'atëty ets nëjkx jam tpëjktakta'atë yë kyutujktakn maajaty nyäxyën yë potsy mëti'ipë yë Jerusalén kajpn nyapots'ajtypyën ets maajaty ja Judá kajpnën.

Jeremias 21:4

ko jëtu'un yë Wintsën y'ënä'äny, mëti'ipë yë Israel ja'ayëty Tyios'ajtëpën: Ëjts nyajwinpijta'ajäämpyës yë tsiptuunpëtëjk mëti'ipë miitsëty mja'ay'ajtëpën, mëti'ipë jam kajpnpë'am tsiptuuntëpën mëët yë Babilonyë yajkutujkpë jyä'äy etsës nyajmiinta'aja'any yaa kajpn itkujky, yaa tyu'ukmujkta'atëty.

Jeremias 38:17

Ënät ja Jeremías t'ënëmaay ja Sedequías: Jëtu'un yë Wintsën y'ënä'äny mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën mijts tu'ktonyë mnäkyë'ëyäkyë ma Babilonyë tsiptuunpëtëjkëtyën, mnäyajtsokëp ënäty mëët ja m'u'unk m'ëna'k, m'u'unk mto'oxytyëjk ets ja naax kajpn ka'ap nyitoyëty.

Jeremias 39:13

Ënät yë Nebuzaradán mëët yë Nebusazbán ets Nergal-sarézer ets tëkokyë mëti'ipë ënäty nyiwintsën'ajtëpën yë tsiptuunpëtëjk,

Ezequiel 26:10

Ko ënäty yë Babilonyë yajkutujkpë tnitëkë yë mnaax mkajpn ma tëjkëtyaknën, jëtu'un tä yajnitëkën yë kajpn ajotkumonë, nëkooyë nëjkx tmëtëjkënë yë maykyëwaay ets yajxon nëjkx yajnaaxjoktë, mëpaatëp yë naaxjok mji'kxënëty, jëtu'un yaj'ijxnëty tsyëtyuuypyëjktaaynyë yë potsy mëti'ipë ja naax kajpn nyapots'ajtypyën mëët ja nä'ämpë ko ënäty myäytyëkëtë ja kwaay ets ja kepy wintëkäämpë;