Jeremias 39:14 - Biblia Mixe de Quetzaltepec

¹⁴ tni'ënä'ämëtyë ets nëjkx tyajpëtsëmtë yë Jeremías ma jap tsumy matsy y'ityën ets yë'ë Guedalías tuknipëjktë ets t'ixëty tkëwent'atëty. Ya'atë Guedalías yë'ë Ahicam yë myaank, yë Safán y'ok'u'unk, jam ojts ja Jeremías tyajnëjkxtë ma Guedalías ja tyëjkën. Jëtu'un'äämpy yë Jeremías ojts wyi'imy jam tsënääpyë ma ja naax kajpnën.

Biblia Dc en Mixe de Quetzaltepec

¹⁴ tni'ënä'ämëtyë ets nëjkx tyajpëtsëmtë yë Jeremías ma jap tsumy matsy y'ityën ets yë'ë Guedalías tuknipëjktë ets t'ixëty tkëwent'atëty. Ya'atë Guedalías yë'ë Ahicam yë myaank, yë Safán y'ok'u'unk, jam ojts ja Jeremías tyajnëjkxtë ma Guedalías ja tyëjkën. Jëtu'un'äämpy yë Jeremías ojts wyi'imy jam tsënääpyë ma ja naax kajpnën.

Jeremias 39:14 ပူးပေါင်းရင်းမြစ်များ

Jeremias 38:28

Yë Jeremías jam ojts tsumy matsy jyaak ijty ma këwent'ajtpë y'itën, koonëm ja Jerusalén yajnitëjkëy.

Jeremias 26:24

Yë Ahicam, yë Safán yë myaank, yë'ë ojts tnikajpxtu'uty ja Jeremías ets ka'ap yajkë'ëyäjky ma ja mayjyä'äyën këtiipë tyaj'ooktëty.

2 Reyes 22:12

ënätyë t'ënëmaay ja Hilquías, ja Ahicam, myaank yë Safán; ja Acbor, myaank yë Micaías; ja Safán, mëti'ipë ja noky kyëwent'ajtypyën ma jap winë myiinta'ayën kuja'ay ets ja Asaías, mëti'ipë ja yajkutujkpë kyëwent'ajtypyën ets t'ënëmaay:

Jeremias 40:1

Ojts yë Jeremías myëkäjpxyë yë Wintsën, tëë ënäty yë Nabuzaradán yaj'ëwaatsëpëtsëmyë jam Ramá. Yë Nabuzaradán jam ojts tpaaty yë Jeremías mëët yë Jerusalén ja'ayëty ets Judá ja'ayëty tsumy matsy mëti'ipë ënäty yajmënëjkxantëpën jam Babilonyë.

Jeremias 39:15

Tamnëm ënäty ja Jeremías tsumy matsy yajpaaty ma ja këwent'ajtpë y'itën, ko ojts ja Wintsën myëkäjpxyë ets y'ënëmaayë:

Jeremias 38:13

Ënät ja Jeremías two'onpëtsëëmtë mëët ja tejpxy. Yë Jeremías jam ojts je'eyë këwent'aty jyaak ijty ma këwent'ajtpë y'itën.

Jeremias 37:21

Ënät ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

Salmos 105:19

Ojts ja Tios ja y'aaw y'ayuk, wyinkëxë'ëky ma ja José ja jyuuky'ajtënën, koonëm y'atëëy mëti'ipë ënäty ja José të tnikäjpxyën.

2 Reyes 22:14

Ja Hilquías, Ahicam, Acbor, Safán ets ja Asaías, ojts tsyoontë ets ojts tninëjkxtë ja Wintsën ja kyäjpxynyajxpë, to'oxytyëjk, mëti'ipë xyëëwajtypyën Huldá; yë'ë tyo'oxytyëjk yë Salum, myaank yë Ticvá ets yë'ë y'ok'u'unk yë Harhás, mëti'ipë ja wit kyëwent'ajtypyën jap tsajptëkoty. Yë Huldá jam ijty tsyëënë kajpnpë'am ma ja Jerusalén kajpnën, e ko tukmëmëtyaktë ja jotmay,

2 Crónicas 34:20

ets ojts tuk'ëne'emy ja Hilquías ets ja Ahicam, yë myaank yë Safán ets ja Abdón, yë Micaías yë myaank; ja Safán mëti'ipë jääpyën ets ja Asaías mëti'ipë ja yajkutujkpë nyatënääpyën ets t'ënëmaay:

Jeremias 32:2

Jä'ä xëëw jä'ä jëmëjt tëë ënäty yë Nabucodonosor yë tsyiptuunpëtëjk tyajnatuktë yë Jerusalén kajpn, yë Jeremías käjpxynyajxpë tsumy ënäty y'ity jam ma këmoontëjk ja nyitëja'awën.

Jeremias 39:13

Ënät yë Nebuzaradán mëët yë Nebusazbán ets Nergal-sarézer ets tëkokyë mëti'ipë ënäty nyiwintsën'ajtëpën yë tsiptuunpëtëjk,

Jeremias 40:5

Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Jeremias 40:6

Ënät ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënäty të wyë'ëmtën.

Jeremias 41:1

Ma mëwëxtujk po'o y'apetyën, yë Ismael, yë Netanías yë myaank, yë Elisamá y'ok'u'unk, yë yajkutujkpë y'u'unk y'ok; mëti'ipë ënäty yë yajkutujkpë të tsiptuunpë wintsën'atyën, ojts jam nyijkxy Mispá ets tmëëtmëtya'aka'any yë Guedalías. Majk ojts yë jyä'äy pyanëjkxyë. E jam Mispá, kaaytyëp ënäty jam,

Jeremias 26:22

E yë Joaquim yajkutujkpë ojts jap Egiptë tkexy yë Elnatán, yë Acbor yë myaank, mëët yë wiinkpë ja'ayëty,

Jeremias 40:7

Ko tnija'awëtyë yë tsiptuunpë wintsën ets tsiptuunpëtëjkëty, jutiiyë ja'ayëty mëti'ipë ënäty juuky të wyë'ëmtën, ko ja Babilonyë yajkutujkpë të tpëjktä'äky yë Guedalías, yë Ahicam yë myaank ets yajkutukëty ma ja ëyoopëja'ayëtyën, ye'etyëjkpë, to'oxytyëjk ets pi'k ëna'k, mëti'ipë ënäty ka'ap të yajmënëjkxtën jam Babilonyë,