Jeremias 39:1 - Biblia Mixe de Quetzaltepec

¹ Majk po'o ënäty y'apety ja mëtaxtujk jëmëjtpë ma yajkutukyën yë Sedequías jam Judá, jää ojts yë Nabucodonosor, yë Babilonyë yajkutujkpë, tnija'ty yë Jerusalén kajpn ets tyajnatujky.

Biblia Dc en Mixe de Quetzaltepec

¹ Majk po'o ënety y'apety ja mëtaxtujk jëmëjtpë ma yajkutukyën yë Sedequías jam Judá, jää ojts yë Nabucodonosor, yë Babilonyë yajkutujkpë, tnija'ty yë Jerusalén kajpn ets tyajnatujky.

Jeremias 39:1 ပူးပေါင်းရင်းမြစ်များ

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Deuteronomio 28:36

Yë Wintsën yë'ë nëjkx t'ëwa'atsy ets mijts tu'ukyë mëët myajkutujkpë myajmënëjkxnëtëty wiink naax wiink kajpn, ma ënäty ka'ap nijëna'a të xy'ixy'ätyën ets ni m'ap m'ok ënäty të tka'ixy'atë. Jam wiinkë'ëy wiink kajpn kwanë ko nëjkx ja wiink wintsën xy'ëwtajnë ets jä'ä xymyëmëtoownëty, mëti'ipë mëët y'oytyunyëtyën yë tsaa ets kepy.

Jeremias 32:1

Ojts yë Wintsën tmëkäjpxy yë Jeremías ma ënäty majk jëmëjt y'apetyën ma tyëkën yajkutujkpë yë Sedequías jam Judá; yë Nabucodonosor mëmajkmokx tëkëëk jëmëjt ënäty yajkutuky.

Jeremias 34:1

Ko ojts yë Jerusalén kajpn ets kajpn mëti'ipë mëët nyätyu'kmëtsëpa'an'atyën nyitëkëty yë Nabucodonosor jampë Babilonyë yajkutukyën, mëët tu'kë'ëyë yë tsyiptuunpëtëjk mëti'ipë wiink naax wiink kajpn tso'ontëpën mëti'ipë yë Nabucodonosor nyitënääpyën, jää ojts yë Wintsën tmëkäjpxy yë Jeremías ets t'ënëmaay:

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 42:18

Ja Wintsën mëti'ipë maaytyääyëpën winë, mëti'ipë Israel ja'ay Tyios'ajtëpën, yë'ë ënaanp: Timjëtu'un ijxtëm ojts yë Jerusalén ja'ayëty xyajjoot'anpëktënës, timjëtu'un miitsëty xyajjoot'anpëka'antës ko mnëjkxtëty jap Egiptë. Ijxpäjtën nëjkx mwë'ëmtë ko ënäty të myajpoktë; atsë'ëk ajawë mjata'antë ets nijëna'a nëjkx mka'ëkwinpijnëtë ma ya'atë it naaxwiinyëtën.

Ezequiel 4:3

Tääts xykyiiyë'ëkëty tu'uk yë pujxn jam xynyajtskëyëty itkujky ma mijtsën ets ma ja kajpnën, jëtu'un tä jeexyë jää y'apojtstukyëtyën ets mwa'ak'oyëty ma ja kajpnën wintuuytsyow tä jeexyë xynyipëtë'ëkyën. Yë'ë ijxpäjn wë'ëmëp ma ja Israel ja'ayëtyën.

Ezequiel 5:2

Ko ënäty jyëjpkëxy ja tsip ma ja naax kajpn yajnitëkën tääts tu'kpëky xyjyëënmo'ojëty ja waay kajpn itkujky; ënät jatëkok ja tsujkn xykyoonë'ëkëty ets jatu'kpëky ja mwaay xynyëëtsukëty tu'kkajpnpa'a xytsyukëty; e jatu'kpëky mëti'ipë ënäty mjaak nëëtsujkpyën jëtu'unyë pojjoty xywyëjwa'kxëty. Yë mayjyä'äy ëx'amës npanëjkxa'any mëët tu'uk yë tëypyujxn nkë'ëkëjxyës.

Ezequiel 33:21

Ma myëkoxk anyën ja mëmajkpo'opë, ma majkmäjtsk jëmëjt kyä'pxyën ma ënäty tsumy matsy të nyajmënëjkxëmën wiink naax wiink kajpn, jääjës tu'uk yë ja'ay xynyimiiny jam tsyoony Jerusalén ets xytyukmëmëtyäkyës ko tëë ënäty ja mëtsip tnitëkë ja naax kajpn.

Ezequiel 40:1

Ma myajk anyën yë po'o, jä'ä xëëw ma jemy jëmëjtën, ojts yë Wintsën yë kyë'ë tpëjktä'äky maas ëjtsën ets ojts nwin'ixyës xywyoownëjkxy jam ma Israel nyaaxjotmën. I'px mëkoxk jajëmëjt y'apäjnë ma ënäty të nyajmënëjkxtënës tsum matsy jam Babilonyë ets majkmajkts jëmëjt ma ënäty ja Jerusalén kajpn të yajnitëkën. Jam ma Israel yë nyaaxjotmën jam ojts yë Wintsën xyajpetyës ma tu'uk yë kopkën; jam n'ijxpatyës ëpa'tkë'ëmtsow, tamtëm yë tëjk jyätyë, mëj kajpnën kyëxë'ëky.

2 Crónicas 36:17

Ënät ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

Jeremias 6:6

Yë Wintsën mëti'ipë maaytyääyëpën winë, jëtu'un yë ënä'ämën të tyäky: Puxtë kepy ets xywyinwëëtëtëty tääpë mëjpotsy mëti'ipë Jerusalén kajpn nyapots'ajtypyën ets xynyitëkëtëty.

Jeremias 52:1

Jä'ä ënäty yë Sedequías yë jyëmëjt I'px tu'uk, ko tyëjkëy yajkutujkpë jam Jerusalén, jä'ä yajkutujky majktu'uk jëmëjt. Hamutal ijty yë tyaak xyëëwajtyp, yë'ë Jeremías yë nyëëx, jam Libná kyukajpnëty.