Jeremias 38:7 - Biblia Mixe de Quetzaltepec

⁷ E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënäty yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,

Biblia Dc en Mixe de Quetzaltepec

⁷ E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënety yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,

Jeremias 38:7 ပူးပေါင်းရင်းမြစ်များ

Jeremias 37:13

Ko jam jyä'äjty ma ja kajpn yajnitëkën, tu'uk ja'ay, Irías xyëëwajtyp, yë Selemías yë myaank ets Hananías yë y'ok'u'unk mëti'ipë ja tëjkëtyakn kyëwent'ajtypyën, yë'ë ojts tmajtswë'ëmy ja Jeremías ets t'ënëmaay: Mijts yë'ë mpukajpxëp yë Caldeo ja'ayëty, ¿këtiijë?.

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Deuteronomio 21:19

Jëtu'umpë ja u'unk ëna'k jam mëpaat yë tyeety tyaak myënëjkxyë ma ja mëjja'aytyëjkën mëti'ipë ënäty kutuunk'ajtëpën ma ja naax kajpnën,

Mateo 20:16

Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Jeremias 13:23

¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Salmos 68:31

Jap Egiptë tsyoona'antë yë ja'ayëty mëti'ipë këjxmëty yë kutujkën myëët'ajtëpën; yë Etiopíë ja'ayëty nëjkxëp t'ëwtatë yë Tios.

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

Josue 20:4

Pën ënäty käktso'okaanp jam jëyëjp jya'tëty ma ja kajpn yajnitëkën ets tnikajpxëty ma ja mëjja'aytyëjkëtyën tiikyëjxm ko kyäktso'oka'any. Täänëm tyajtëkëtëty ma ja kajpnën ets tmo'otëty tu'uk ja naax kam ma y'itëtyën.

Isaías 56:3

Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Jeremias 20:2

ënät ni'ënä'ämëy ets Jeremías yajkox yajtsiikëty ets tkuwëëntëty mëët yë kepy yo'kntujpë yajkutsumyën jam ma ja Benjamín ja tyëjk aawën wiinkonpë yajpaatyën ma ja tsajptëjkën.

Jeremias 26:16

Ënät ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Jeremias 38:8

ënätyë yë Ébet-mélec tsyo'ony ma jam ja kutujkëntëjkën ets ojts tninëjkxy ja yajkutujkpë tä t'ënëmaay:

Zacarías 14:10

Joyjyot nëjkx yë naax kajpn y'awinpity. Tsyo'onta'akëty jam Gueba ets tyimja'tëty jam rimón ëpa'tkë'ëytsyow ma Jerusalén kajpn wyi'imyën. Këjxm nëjkx yë Jerusalén kajpn yajpaaty. Jam yë ja'ay nëjkx tsyëënëtë. Jam ma ja potsyën mëti'ipë kajpn nyapots'ajtypyën jam tsyo'onta'akëty ja tëjk'aaw mëti'ipë xyëëwajtypyën Benjamín ets tyimja'tëty jam ma Tëjk'aawën ma jam Y'ëwtityën, jam nyajxë'ëkëty ma ja potsyën mëti'ipë kujkyë tënääpyën ma txëëwatyën Hananel ets jya'tëty ma ja olivë on yajwinma'atsyën mëti'ipë ja yajkutujkpë jyä'ä'ajtypyën.

Proverbios 29:10

Yë yajja'ay'o'kpëtëjk ooky t'ixa'antë mëti'ipë mëtëy juukyajtpën.