Jeremias 38:6 - Biblia Mixe de Quetzaltepec

⁶ Ënät tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënäty jap tii nëë, yi'iyë nëë mo'onts, paaty yë Jeremías myo'onts jë'ënë.

Biblia Dc en Mixe de Quetzaltepec

⁶ Ënet tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënety jap tii nëë, yi'iyë nëë mo'onts, paaty yë Jeremías myo'onts jë'ënë.

Jeremias 38:6 ပူးပေါင်းရင်းမြစ်များ

Génesis 37:24

Tääts yajmajts'o'oyëy yë ets yajkujëpijpëy nëëjutjoty, jam ënäty tu'uk yë nëëjut mëti'ipë ka'ap yë nëë tmëëtëtyën.

Salmos 109:5

Koos winë oy ntuny nkäjpxy, yë'ëjëty wiinkjaty tuunwinpitë; koos yë tsojkën ja'awën nmëëtëty, xytyuk'ëxëëk'ijxtëpës je'eyë.

Salmos 40:2

tëës xyajpëtsëmy jap o'kpëjutjoty, nëëjoty mo'ontsjoty. Jamës të xyajwa'kta'atsy tsaakëjxm ets ta'tspëky të nwa'ak'oyës.

Salmos 69:2

tsyapës nkënajxnë këk mo'ontsjoty, ets ka'ap ma t'ëkjëkyäjpnë maas nwa'kta'atsëty. Tëës nkiinë këkmejyjoty, ets nëëkap yë'ëjës xytsyëëmnëjkxnëp ma nëë mëk pyëyi'ikyën.

Jeremias 32:2

Jä'ä xëëw jä'ä jëmëjt tëë ënäty yë Nabucodonosor yë tsyiptuunpëtëjk tyajnatuktë yë Jerusalén kajpn, yë Jeremías käjpxynyajxpë tsumy ënäty y'ity jam ma këmoontëjk ja nyitëja'awën.

Jeremias 36:26

ni'ikyë ojts tni'ënä'ämë ets ja Jeremías ets ja jyääpyë Baruc yajmatstëty. Ets tuknipëjky ja Jerahmeel, yë'ë yajkutujkpëtëjk jyä'äy ets ja Seraías, yë Azriel yë myaank ets ja Selemías, yë Adbeel yë myaank. Je'eyëp ko yë Jeremías ets Baruc ojts yë Wintsën yu'utsëtë, ka'ap yajpatë.

Jeremias 37:16

Jap ma ja Jeremías yajtsuumyën, jap ja tëjk kyojyëty naaxpa'tkë'p, jap jeky y'ijty.

Jeremias 37:21

Ënät ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

Jeremias 38:13

Ënät ja Jeremías two'onpëtsëëmtë mëët ja tejpxy. Yë Jeremías jam ojts je'eyë këwent'aty jyaak ijty ma këwent'ajtpë y'itën.

Jeremias 38:22

tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënäty ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Tios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Zacarías 9:11

Jëtu'un yë Wintsën y'ënä'äny: Jerusalén, mëët ja käjpxytyu'unën mëti'ipë ja ne'pny myë'ijtypyën, njuutäämpyës jap nëëjutjoty yë ja'ayëty mëti'ipë jap tsumy matsy ijtëpën.

Hechos 16:24

Ko jëtu'un tmëtooy, tää ojts tpëjktä'äky wäänë o'okwinmpy. Ënät ja tyeky yajtuknaaxkukë'ëyëtë tu'uk ja pu'uy tuknitsatsëpë, naaxkutsumë mëët ja pujxntejpxy.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Tios tsokyën, ënät nëjkx xyjyä'ä'atë mëti'ipës ja Tios të twaantä'äkyën.